Γεωγραφικὴ ὑφήγησις

Βιβλίον αʹ

________________________________________________________________

{1}

Τάδε ἔνεστιν ἐν τῶι πρώτωι βιβλίωι.

α) Τίνι διαφέρει γεωγραφία χωρογραφίας;

β) Τίνα δεῖ ὑποκεῖσθαι πρὸς τὴν γεωγραφίαν;

γ) Πῶς ἀπὸ τοῦ σταδιασμοῦ τῆς τυχούσης ἰθυτενοῦς διαστάσεως, κἂν μὴ ὑπὸ τὸν αὐτὸν ἦι μεσημβρινόν, ὁ τῆς περιμέτρου τῆς γῆς σταδιασμὸς λαμβάνεται, καὶ τὸ ἀνάπαλιν;

δ) Ὅτι δεῖ τὰ ἐκ τῶν φαινομένων τηρούμενα προὐποτίθεσθαι τῶν ἐκ τῆς περιοδικῆς ἱστορίας.

ε) Ὅτι ταῖς ἐγγυτέραις τῶν ἱστοριῶν προσεκτέον διὰ τὰς ἐν τῆι γῆι κατὰ χρόνους μεταβολάς.

ς) Περὶ τῆς κατὰ Μαρῖνον γεωγραφικῆς ὑφηγήσεως.

ζ) Διόρθωσις τῆς κατὰ Μαρῖνον τοῦ πλάτους τῆς ἐγνωσμένης γῆς διαστάσεως ἀπὸ τῶν φαινομένων.

η) Ἡ αὐτὴ διόρθωσις ἀπὸ τῶν διανύσεων τῶν κατὰ τὰς ὁδοιπορίας.

θ) Ἡ αὐτὴ διόρθωσις ἀπὸ τῶν κατὰ πλοῦν διανύσεων.

ι) Ὅτι οὐ δεῖ τοὺς Αἰθίοπας μεσημβρινωτέρους ὑποτίθεσθαι τοῦ ἀντικειμένου παραλλήλου τῶι διὰ Μερόης.

ια) Περὶ τῶν εἰς τὸ μῆκος τῆς οἰκουμένης ὑπὸ τοῦ Μαρίνου μὴ δεόντως ἐπιλελογισμένων.

ιβ) Διόρθωσις ἀπὸ τῶν ὁδοιποριῶν τοῦ μήκους τῆς ἐγνωσμένης γῆς. {2}

ιγ) Ἡ αὐτὴ διόρθωσις ἀπὸ τῶν κατὰ πλοῦν διανύσεων.

ιδ) Περὶ τοῦ ἀπὸ τῆς Χρυσῆς Χερσονήσου ἐπὶ τὰ Καττίγαρα διάπλου.

ιε) Περὶ τῶν ἐν τῆι κατὰ μέρος ἐκθέσει τῶι Μαρίνωι διαπεφωνημένων.

ις) Ὅτι παρῆλθέ τινα αὐτὸν καὶ κατὰ τοὺς τῶν ἐπαρχιῶν περιορισμούς.

ιζ) Περὶ τῶν διαπεφωνημένων αὐτῶι πρὸς τὰ ὑπὸ τῶν καθ᾽ ἡμᾶς ἱστορηθέντα.

ιη) Περὶ τῆς ἀπὸ τῶν τοῦ Μαρίνου συντάξεων κατὰ τὴν καταγραφὴν τῆς οἰκουμένης δυσχρηστίας.

ιθ) Περὶ τοῦ τῆς καθ᾽ ἡμᾶς ὑφηγήσεως προχείρου πρὸς τὴν καταγραφήν.

κ) Περὶ τῆς ἀσυμμετρίας τοῦ κατὰ τὸν Μαρῖνον γεωγραφικοῦ πίνακος.

κα) Τίνα δεῖ τηρεῖν ἐπὶ τῆς ἐν ἐπιπέδωι γινομένης καταγραφῆς;

κβ) Πῶς δεῖ τὴν οἰκουμένην ἐν σφαίραι καταγράφειν;

κγ) Ἔκθεσις τῶν ἐντασσομένων τῆι καταγραφῆι μεσημβρινῶν καὶ παραλλήλων.

κδ) Μέθοδος εἰς τὴν ἐν ἐπιπέδωι τῆς οἰκουμένης σύμμετρον τῆι σφαιρικῆι θέσει καταγραφήν.