Evangelistarium

fol. 109v

Ih. 15:5-11

____________________________________________________________

Manuscriptum

In vigilia apostolorum Simonis et Iudae.

Sequentia sancti evangelii

secundum Iohannem.

Ego sum vitis vera. Require In vigilia omnium apostolorum.

____________

15:5

[In illo tempore. Dixit Ihesus discipulis suis: Ego sum vitis vera, et vos palmites: qui manet in me, et ego in eo, hic fert fructum multum, quia sine me nihil potestis facere.

15:6

Si quis in me non manserit, mittetur foras sicut palmes, et arescet, et colligent eum, et in ignem mittent, et ardet.

15:7

Si manseritis in me, et verba mea in vobis manserint, quodcumque volueritis petetis, et fiet vobis.

15:8

In hoc clarificatus est Pater meus, ut fructum plurimum adferatis, et efficiamini mei discipuli.

15:9

Sicut dilexit me Pater, et ego dilexi vos. Manete in dilectione mea.

15:10

Si praecepta mea servaveritis, manebitis in dilectione mea, sicut et ego Patris mei praecepta servavi, et maneo in eius dilectione.

15:11

Haec locutus sum vobis: ut gaudium meum in vobis sit, et gaudium vestrum impleatur.]