Evangelistarium

fol. 109r

Mt. 22:15-21

____________________________________________________________

Manuscriptum

Dominica V post S. Angeli.

Sequentia sancti evangelii

secundum Matthaeum.

22:15

In illo tempore. Abeuntes pharisaei, consilium inierunt ut caperent eum in sermone.

22:16

Et mittunt ei discipulos suos cum Herodianis, dicentes: Magister, scimus quia verax es, et viam Dei in veritate doces, et non est tibi cura de aliquo: non enim respicis personam hominum:

22:17

dic ergo nobis quid tibi videtur, licet censum dare Caesari, an non?

22:18

Cognita autem Ihesus nequitia eorum, ait: Quid me tentatis, hypocritae?

22:19

ostendite mihi numisma census. At illi obtulerunt ei denarium.

22:20

Et ait illis Ihesus: Cuius est imago haec, et superscriptio?

22:21

Dicunt ei: Caesaris. Tunc ait illis: Reddite ergo quae sunt Caesaris, Caesari: et quae sunt Dei, Deo.