Evangelistarium

fol. 107r-107v

Lc. 14:12-15

____________________________________________________________

Manuscriptum

Feria IIII.

Sequentia sancti evangelii

secundum Lucam.

14:12

In illo tempore. Dicebat Ihesus cuidam principi pharisaeorum: Cum facis prandium, aut caenam, noli vocare amicos tuos, neque fratres tuos, neque cognatos, neque vicinos divites: ne forte te et ipsi reinvitent, et fiat tibi retributio;

14:13

sed cum facis convivium, voca pauperes, debiles, claudos, et caecos:

14:14

et beatus eris, quia non habent retribuere tibi: retribuetur enim tibi in resurrectione iustorum.

14:15

Haec cum audisset quidam de simul discumbentibus, dixit illi: Beatus qui manducabit panem in regno Dei.