Evangelistarium

fol. 96r-96v

Mc. 7:31-37

____________________________________________________________

Manuscriptum

Dominica I post natalem Sancti Laurentii.

Sequentia sancti evangelii

secundum Marcum.

7:31

In illo tempore. Exiens Ihesus de finibus Tyri, venit per Sidonem ad mare Galilaeae inter medios fines Decapoleos.

7:32

Et adducunt ei surdum, et mutum, et deprecabantur eum, ut imponat illi manum.

7:33

Et apprehendens eum de turba seorsum, misit digitos suos in auriculas eius: et exspuens, tetigit linguam eius:

7:34

et respiciens in caelum, ingemuit, et ait illi: Ephphetha, quod est, Adaperire.

7:35

Et statim apertae sunt aures eius, et solutum est vinculum linguae eius, et loquebatur recte.

7:36

Et praecepit illis ne cui dicerent. Quanto autem eis praecipiebat, tanto magis plus praedicabant:

7:37

et eo amplius admirabantur, dicentes: Bene omnia fecit: et surdos fecit audire, et mutos loqui.