Evangelistarium

fol. 68v-69r

Mc. 16:1-7

____________________________________________________________

Manuscriptum

Dominica sancta paschae

Sequentia sancti evangelii

secundum Marcum

16:1

In illo tempore. Maria Magdalenae, et Maria Iacobi, et Salome emerunt aromata ut venientes ungerent Ihesum.

16:2

Et valde mane una sabbatorum, veniunt ad monumentum, orto iam sole.

16:3

Et dicebant ad invicem: Quis revolvet nobis lapidem ab ostio monumenti?

16:4

Et respicientes viderunt revolutum lapidem. Erat quippe magnus valde.

16:5

Et introeuntes in monumentum viderunt iuvenem sedentem in dextris, coopertum stola candida, et obstupuerunt.

16:6

Qui dicit illis: Nolite expavescere: Ihesum quaeritis Nazarenum, crucifixum: surrexit, non est hic, ecce locus ubi posuerunt eum.

16:7

Sed ite, dicite discipulis eius, et Petro, quia praecedit vos in Galilaeam: ibi eum videbitis, sicut dixit vobis.