Evangelistarium

fol. 35v-36r

Ih. 8:1-11

____________________________________________________________

Manuscriptum

Sabbato

Sequentia sancti evangelii

secundum Iohannem.

8:1

In illo tempore. Perrexit Ihesus in montem Oliveti:

8:2

et diluculo iterum venit in templum, et omnis populus venit ad eum, et sedens docebat eos.

8:3

Adducunt autem scribae et pharisaei mulierem in adulterio deprehensam: et statuerunt eam in medio,

8:4

et dixerunt ei: Magister, haec mulier modo deprehensa est in adulterio.

8:5

In lege autem Moyses mandavit nobis huiusmodi lapidare. Tu ergo quid dicis?

8:6

Haec autem dicebant tentantes eum, ut possent accusare eum. Ihesus autem inclinans se deorsum, digito scribebat in terra.

8:7

Cum ergo perseverarent interrogantes eum, erexit se, et dixit eis: Qui sine peccato est vestrum, primus in illam lapidem mittat.

8:8

Et iterum se inclinans, scribebat in terra.

8:9

Audientes autem unus post unum exibant, incipientes a senioribus: et remansit solus Ihesus, et mulier in medio stans.

8:10

Erigens autem se Ihesus, dixit ei: Mulier, ubi sunt qui te accusabant? nemo te condemnavit?

8:11

Quae dixit: Nemo, Domine. Dixit autem Ihesus: Nec ego te condemnabo: vade, et amplius iam noli peccare.