persona

Martinus Bracarensis (Martinus de Braga, Martinus Dumiensis) circa annum 520 in Pannonia ortus est, et exinde ad visitanda loca sancta in Oriente properans, in tantum se litteris inbuit, ut nulli secundus suis temporibus haberetur. exinde Galliciam venit, ibique conversis ab Ariana impietate ad fidem Catholicam Suevorum populis, regulam fidei et sanctae religionis constituit, ecclesias confirmavit, monasteria condidit, copiosaque praecepta piae institutionis composuit. circa annum 550 Dumiensis episcopus ordinatus (hodie Dúmio/Portugallia), triginta in hoc officio explevit annos. obiit duodecimo Kalendas Aprilis anni 579 Bracarae (hodie Braga/Portugallia).