Μῦθοι Αἰσώπειοι

___________________________________________________

257.

Λέων, Μῦς καὶ Ἀλώπηξ [ἢ Λέων μῦν φοβηθείς].

(F. 95. C. p. 374. S. 144. B. 82.)

Λέοντος κοιμωμένου, μῦς τῶι στόματι περιέδραμεν. Ὁ δὲ ἐξαναστὰς πανταχοῦ ? περιειλίττετο, ζητῶν τὸν προσεληλυθότα. Ἀλώπηξ δὲ αὐτὸν θεασαμένη ὠνείδιζεν, εἰ λέων ὢν ἐφοβήθη μῦν. Ὁ δέ φησιν· «ἀλλὰ κατὰ τῆς γνώμης αὐτοῦ τὴν ὀργὰν ἔχω.»

Ὁ λόγος διδάσκει, τοὺς φρονίμους τῶν ἀνθρώπων μηδὲ τῶν μετρίων πραγμάτων καταφρονεῖν.