Μῦθοι Αἰσώπειοι

___________________________________________________

203.

Κομπαστής.

(C. 14 et p. 287. F. 30.)

Ἀνήρ τις ἀποδημήσας, εἶτα δὲ πάλιν πρὸς τὴν ἑαυτοῦ γῆν ἐπανελθὼν, ἄλλα τε πολλὰ ἐν διαφόροις ἠνδραγαθηκέναι χώραις ἐκόμπαζε, καὶ δὴ κἀν τῆι Ῥόδωι πεπηδηκέναι πήδημα, οἷον οὐδεὶς τῶν ἐπ᾿ αὐτοῦ δυνατὸς ἂν εἴη πηδῆσαι. Πρὸς ταῦτα δὲ καὶ μάρτυρας τοὺς ἐκεῖ παρόντας ἔλεγεν ἔχειν. Τῶν δὲ παρόντων τις ὑπολαβὼν ἔφη· «ὦ οὗτος, εἰ ἀληθὲς τοῦτ᾿ ἔστιν, οὐ[101]δὲν δεῖ σοι μαρτύρων· ἰδοὺ ἡ Ῥόδος, ἰδοὺ καὶ τὸ πήδημα.»

Ὁ μῦθος δηλοῖ, ὅτι, ἐὰν μὴ χρόχειρος ἡ τοῦ πράγματος ἀπόδεξις ἦι, πᾶς λόγος περιττός ἐστιν.