Μῦθοι Αἰσώπειοι

___________________________________________________

84.

Βοῦς καὶ Φρῦνος.

(F. 378. C. p. 273. B. 28.)

Γέννημα φρύνου συνεπάτησε βοῦς πίνων·

ἐλθοῦσα δ᾿ αὐτόσ᾿ (οὐ παρῆν γὰρ) ἡ μήτηρ

[42]

παρὰ τῶν ἀδελφῶν, ποῦ ποτ᾿ ἦν, ἐπεζήτει.

«τέθνηκε, μῆτερ· ἄρτι γὰρ πρὸ τῆς ὥρης

ἦλθεν πάχιστον τετράπουν, ὑφ᾿ οὗ κεῖται

χηλῆι μαλαχθείς.» ἡ δὲ φρῦνος ἠρώτα,

φυσῶσ᾿ ἑαυτὴν, εἰ τοιοῦτον ἦν ὄγκωι

τὸ ζῶον. οἱ δὲ μητρὶ «παῦε, μὴ πρίου·

θᾶσσον σεαυτὴν» εἶπον «ἐκ μέσου ῥήξεις,

ἢ τὴν ἐκείνου ποιότητα μιμήσηι.»

Ὅτι ἐπικίνδυνον τοῖς ἐλάττοσι παρατείνεσθαι τοῖς μείζοσι.