Μῦθοι Αἰσώπειοι

___________________________________________________

49.

Ἀνὴρ ἀδύνατα ἐπαγγελλόμενος.

(S. 34. C. 15 et p. 288. F. 31.)

Ἀνὴρ πένης νοσῶν καῖ κακῶς διακείμενος, ἐπειδὴ παρὰ τῶν ἰατρῶν ἀπηλπίσθη, τοῖς θεοῖς ηὔχετο ἑκα[25]τόμβην ποιῆσαι, ἐπαγγειλάμενος καὶ ἀναθήματα καθιερώσειν, ἐὰν ἐξαναστῆι. Τῆς δὲ γυναικὸς, ἐτύγχανε γὰρ αὐτὴ παρεστῶσα, πυνθανομένης «καὶ πόθεν αὐτὰ ἀποδώσεις;» ἔφη· «νομίζεις γάρ με ἐξαναστήσεσθαι, ἵνα καὶ ταῦτα οἱ θεοὶ ἀπαιτήσωσι;»

Ὁ λόγος δηλοῖ, ὅτι ταῦτα ῥαιδίως οἱ ἄνθρωποι κατεπαγγέλλονται, ἃ τελέσειν ἔργωι οὐ προσδοκῶσι.