Aristoteles
384 - 322 a. Chr. n.
Περὶ ἑρμηνείας
|
|
|
________________________________________________________
|
|
6
Κατάφασις δέ ἐστιν ἀπόφανσίς τινος κατά τινος 1). ἀπόφασις [25] δέ ἐστιν ἀπόφανσίς τινος ἀπό τινος 2). ἐπεὶ δὲ ἔστι καὶ τὸ ὑπάρχον ἀποφαίνεσθαι ὡς μὴ ὑπάρχον καὶ τὸ μὴ ὑπάρχον ὡς ὑπάρχον καὶ τὸ ὑπάρχον ὡς ὑπάρχον καὶ τὸ μὴ ὑπάρχον ὡς μὴ ὑπάρχον, καὶ περὶ τοὺς ἐκτὸς δὲ τοῦ νῦν χρόνους ὡσαύτως, ἅπαν ἂν ἐνδέχοιτο καὶ ὃ κατέφησέ [30] τις ἀποφῆσαι καὶ ὃ ἀπέφησέ τις καταφῆσαι 3). ὥστε δῆλον ὅτι πάσηι καταφάσει ἐστὶν ἀπόφασις ἀντικειμένη καὶ πάσηι ἀποφάσει κατάφασις. καὶ ἔστω ἀντίφασις τοῦτο, κατάφασις καὶ ἀπόφασις αἱ ἀντικείμεναι. λέγω δὲ ἀντικεῖσθαι τὴν τοῦ αὐτοῦ κατὰ τοῦ αὐτοῦ, μὴ ὁμωνύμως δέ, καὶ ὅσα [35] ἄλλα τῶν τοιούτων προσδιοριζόμεθα πρὸς τὰς σοφιστικὰς ἐνοχλήσεις._____________
1) ἀπόφανσίς τινος κατά τινος] ἀπόφανσις τινὸς κατὰ τινὸς M-P 2) ἀπόφανσίς τινος ἀπό τινος] ἀπόφανσις τινὸς ἀπό τινὸς M-P 3) ἀπέφησέ τις καταφῆσαι] ἀπέφησε καταφῆσαι M-P |
|