Γνῶμαι μονόστιχοι

Μονόστιχοι Ξʹ

___________________________________________________

542

Ξένους πένητας μὴ παραδράμηις ἰδών.

543

Ξένοισι πιστοῖς πιστὸς ὢν γίνου φίλος.

544

Ξένοις ἐπαρκῶν τῶν ἴσων τεύξηι ποτέ.

545

Ξένωι μάλιστα συμφέρει τὸ σωφρονεῖν.

546

Ξίφος τιτρώσκει σῶμα, τὸν δὲ νοῦν λόγος.

547

Ξένος ὢν ἀκολούθει τοῖς ἐπιχωρίοις νόμοις.

548

Ξενία <δὲ> χαλεπὴ <– ∪> κατὰ πολλοὺς {τοὺς} τρόπους.

549

Ξενίας ἀεὶ φρόντιζε, μὴ καθυστέρει.

550

Ξένον ἀδικήσηις μηδέποτε καιρὸν λαβών.

551

Ξυνετὸς πεφυκὼς φεῦγε τὴν κακουργίαν.

552

Ξένος ὢν ἀπράγμων ἴσθι καὶ πράξεις καλῶς.

553

Ξένον προτιμᾶν μᾶλλον ἀνθρώποις ἔθος.

554

Ξένους ξένιζε, μήποτε ξένος γένηι.

555

Ξένωι δὲ σιγᾶν κρεῖττον ἢ κεκραγέναι.

556

Ξένος πεφυκὼς τοὺς ξενίζοντας σέβου.

557

Ξένων ἀκούειν μὴ †παραδεχθῆις ποτε.

558

Ξένον προτίμα καὶ φίλον κτήσηι καλόν.

559

Ξένους νόμιζε τοὺς ἀρετῆς ὄντας ξένους.