Gedichte

1878

______________________________________________________________________________

De Schaapharr op'n Butendik. ¹⁾

_____________________

Dat is all'n lange, och, lange Tid her,

Do weer ick noch kleen,

Do hö ²⁾ ick de Schaap op'n Butendik

So ganz, ganz alleen.

5

Mien Mess un mien Fleit un mien Hund un mien Pietsch,

Mien Schaap rund umher –

Ik mug et wul węten, wer ringsum so riek,

As ik damals weer.

Denn söch ick mi Eier von Kivit un Möv

10

In schäbigen Hot,

Denn lagern wi beiden uns, Karro un ik,

Un deel'n unse Brod.

Denn sung ick en Leed, un dat schiller so wiet,

Un klatsch mit de Swęp,

15

Un wiet, och, wiet achtern Butendik,

Da seilen de Schęp.

Nu bin ik wul seilt ³⁾ op'n Schipp umme Welt,

Bin olt un bin rik.

Doch bin ik min Dag nich so glücklich mehr weßt,

20

As do op'n Dik.

――――――――

1) Schafhirt auf dem Außendeich, d. h. hinter dem Deich 

2) hütete 

3) segelte