Gedichte

1857

______________________________________________________________________________

Guden Globen.

_____________________

Se seggt mi, dat Du mi bedrügst,

Se seggt mi, dat Du mi belügst.

Se seggt, Du nimmst mi blot um't Geld,

Wenn't op is, geist Du in de Welt.

5

Se seggt gar, wenn ick weg bin, Hans,

Geist Du mit anner Deerns to'n Danz.

Ick weet, dat Allens is nich wahr;

Doch maakt se mi dat Hart so swar.

Hans, si Du ehrlich gegen mi,

10

Wat Du mi seggst, dat glöv ick Di,

Un stött ¹⁾ de ganze Welt Di ut,

So bliev ick Di doch jümmers gut.

Un maakt de ganze Welt Di swart,

So blivt Di jümmers doch mien Hart,

15

Un bringst Du mi ok Angst un Noth,

Bliev ick Di tru bit in den Dod.

――――――――

1) stößt