Sophie Dethleffs
1809 - 1864
Gedichte
1857
|
|
|
______________________________________________________________________________
|
|
De ohle Jehann.
_____________________
Ick wull dak'n 1) Kind weer! dat wünsch ick mi so,Och, as ick'n Kind weer, wo glücklich weer'ck do!
Da seet ick in Blomhof, un bun mi en Strus,Un baben bu Hardbar en Nest sick op't Huus.
| |
5 | Un da löpt de Bäk 2) noch, un da geit de Möhl,Un da is de Platz, wo ick Hinkelputt 3) späl.
Un Abends von't Spälen reep Moder mi 'rin,In't Bett musz ick bäden, un gliek sleep ick in.
Un nu bin ick ohlt worn, und grau sind mien Haar, |
10 | Un wenn ick torück seh, ist Hart mi so swar.
Da baben wahnt Hardbar noch jümmer op't Dack,Un ick hef herumswarmt, hef Dack nich un Fack.
Mien Hart is voll Unruh, mien Leben voll Sün,Fremd stah ick an Tuun 4) hier, un nims rept 5) mi in.
|
15 | De Hunnen de belt na den schäbigen Mann,Keen Nahber seggt fründlich: god'n Abend, Jehann!
Wo is mi so eensam un trurig to Mood!Ick wull, dak'n Kind weer! – ick wull ick weer dod!
―――――――― 1) daß ich ein 2) Bach 3) ein Kinderspiel 4) Zaun, Hecke 5) Niemand ruft |