Gedichte

1878

______________________________________________________________________________

Na Amerika.

_____________________

Sieh, da liggt dat Schipp min Kind,

Op de blaue Floth,

Sęgel Du mit guden Wind,

Un mi guden Moth.

5

Bliev ik doch in Gottes Hand,

Sorg Du nich um mi,

Doch int ole Heimathland

Is keen Rum vör Di.

Gah Du in de nie Welt,

10

Du bist junk und fix,

Un se seggt, dat Gold un Geld

Findt se da as nicks.

Ja ik weet wul wat dat heet:

Ut de Heimath gahn,

15

Doch mit all de sure Sweet

Is hier nicks gedahn.

Nimm Din Bündel un ga to,

Sieh mi nich so an,

Schütt de Stoff Di von de Schoh,

20

Steil ¹⁾ Di as'n Mann.

Sieh, ik kann nich mit Di tehn

In dat fremme Land,

Denn de Ol leeg sunst alleen

An de Karkhoffswand.

25

Un in't Dörp sind gud Lü,

De mi nich verlat,

Będen will ik ok vör Di,

Będen fröh un spat.

Segel Du mit Got min Kind,

30

Op de wide Floth,

Segel Du mit guden Wind,

Un mit guden Moth.

――――――――

1) richte dich auf