Gedichte

1857

______________________________________________________________________________

Nu weet ick Besched.

_____________________

Wo hef ick doch weent,

Wo hef ick doch meent,

Du weerst mi ni gut.

Ick stun bi de Böm

5

Da achter de Blöm

Un kiek na di ut.

Da krellst ¹⁾ du vörbi,

Un seegst ni na mi,

Un stellst di so sipp ²⁾.

10

Mien Hart weer so vull.

Wo weer ick nu dull,

Wo bäv ³⁾ mi de Lipp!

Doch nu ick man weet,

Wenn Nahbers di seet,

15

Dat is di schaneert.

Nu lach ick di ut,

Mak nicks mi darut,

Wiel nims dat wat scheert.

Denn sind wi alleen,

20

Kann keener uns sehn,

Denn bist du mi gut,

Denn hest du mi leev,

Du schelmische Deev,

Denn bist du mien Brut.

――――――――

1) sich zieren, drehen 

2) schnippisch 

3) zitterte