Gedichte

1857

______________________________________________________________________________

Ohl Juchen.

_____________________

„Clas Hinners, wul begraft jüm glick ¹⁾?

Du bist in'n swarten Rock.“

„De ohle Juchen achter'n Dick ²⁾,

De mit dat Been so trock.“

5

Du leve Gott, dat ohle Seel!

He stun so ganz alleen,

He har ok op de Welt sien Deel

Het nich väl Freuden sehn.

He weer so lütjet un so krum,

10

Weer jümmers so in Noth;

Se stötten ³⁾ wat mit em herum,

He eet dat Gnaden brod.

Nu liggt he in sien platte Sark,

Wo selig he wul slept,

15

Da ünner'n Fleder bi d Kark

Bit unse Herr em rept!

Nu is dat Allens gut un rech,

Ob liek ⁴⁾ he oder krum,

Se lopt wul öber em ins weg,

20

Doch stööt ⁵⁾ se em nich um.

――――――――

1) gleich 

2) unter dem Deiche 

3) stießen 

4) gerade gewachsen 

5) stoßen