Gedichte

1857

______________________________________________________________________________

Gehorsam.

_____________________

„Anna, segg mi, mut dat sien,

Mußt Du'n Smidt sin Peter frien?“

„Moder bäd, un Vader schellt,

Allens blot um't leve Geld,

5

Doch mi grut, ick mut daran,

Un ick krieg den Smidt ton Mann.“

„Anna, hör mi, seggst Du ja, –

Gah ick na Amerika!“ –

„Gah mit Gott! ick bliev Di gut,

10

Söök Du Di en anner Brut!“

„Anna, segg, is dat Dien Spaß?“

„Nä, ick meen dat ehrlich, Clas;

Ahn de Oellern Segen frien –

Kun ick glücklich mit Di sin?“

15

Clas de gung, se blev em tru,

Doch se wor de Smidt sin Fru,

Och, un schick wul oft so weh

De Gedanken öber See.