Redentiner Osterspiel

Erster Teil

Erste Handlung

______________________________________________________________________________

Die Auferstehung.

Angeli: „Silete! [Silete! Silentium habete!]“

Raphael super sepulcrum cantet:

„Dormite [milites, dormite!

Opus Domini non impedite! Allelula!]“:

Slapet, gy wachter an deme grave!

230

Oft got syn werf hir have,

Dat gy des nicht ensperen

Unde myt nenen dinghen keren.

Ite[m cantans similiter] Uriel:  *)

„Exurge! [quare obdormis, domine?

Exurge et ne repellas in finem!]“

Dicit [Uriel] angelus quartus:

Sta up, here, gades kynt,

Deme we underdanych synt!

235

Sta up, gotlike trost!

Alle scult is nu ghelost,

Alle dynk werden nu vullenkomen,

Sunt dine mynscheit heft to sik namen

De gotliken clarheit, [34]

240

De nu lefliken an dy steyt.

Sta up, here, des beghere wy,

De we to allen tiden denen dy!

Sta up, here, van dynere rowe,

Alre mynschen vroude!

245

Du up de archa dyner hillicheit,

De hir an desseme grave is bereyt!

Sta up, mynsche unde got!

Du lidest nycht mer pine ofte not.

Sta up van aller pyn!

250

Du bist dynen uterkornen en ewich schyn.

Tunc fit terre motus. Jhesus surgens cantet:

„Resurrexi [et adhuc tecum sum. Alleluja!

Posuisti super me manum tuam, alleluja!

Mirabilis facta est scientia tua, alleluja!]“.

Jhesus:

Nu synt alle dynk vullenbracht,

De dar vor in der ewicheit weren bedacht,

Dat ik des bitteren dodes scholde sterven

Unde deme mynschen gnade wedder vorwerven.

255

Des bun ik nu up ghestan

Unde wyl to der helle gan

Unde halen dar ut Adam myt Even

Unde alle myne leven,

De to der vroude synt ghebaren,

260

Dede Lucifer myt homude heft vorlaren.

――――――――

*) Hier folgt der Text der Lesung von Hansjürgen Linke (vgl. Hansjürgen Linke, Zu Text und Textkritik der Auferstehungsszene im Redentiner Osterspiel, in: Zeitschrift für deutsches Altertum und deutsche Literatur, 106. Bd., H. 1 (1st Quarter, 1977), pp. 24-31.)