Redentiner Osterspiel

Erster Teil

Erste Handlung

______________________________________________________________________________

Beratung der Juden.

Primus Judeus:

Caypha unde gy heren aver al,

20

Ene rede ik ju saghen schal:

Desse Jhesus wolde godes zone wesen,

He sede, he wolde van deme dode wol nezen

He sprak sere gruwelike wort,

De er van manne sint je ghehort:

25

He wolde up stan an deme drudden daghe.

Dar umme ik ju dat saghe:

Gy moten dat graf laten bewaren,

Dat he uns nycht kone untvaren.

Bringet ene sine jungere hemelken van dan,

30

So spreken se, he sy van dode up ghestan. [28]

Cayphas dicit:

Jode, du sprekest ware mere.

Weret, dat syne jungere

Ene vorstelen unde nemen.                         [Bl. 2a]

Des mochte wy uns wol sere schemen.

35

Wille gy don na myneme rade,

So schole gy ju hereyden drade

Unde scholen to Pylatese gan

Unde laten em desse rede vorstan,

Alzo gy sulven hebben ghehort.

[Judei:]

40

Dat wille we don alzo vort.