Redentiner Osterspiel

Prolog

______________________________________________________________________________

Erster und zweiter Engel.

De resurrectione

Primus angelus dicit:                  [Bl. 1b]

Swiget al ghelike,

Beyde arm unde rike!

Wy willen ju eyn bilde gheven,

Wo sik van dode heft up gheheven

5

Godes sone Jhesus Crist,

De vor ju ghestorven ist

Wo de upstandynghe is gheschen,

Dat moghe gy alle gherne sen.

Secundus angelus:

Settet ju nedder unde vrowet ju,

10

De hyr sint ghesammelt nu!

Vrowet ju an desser tid:

Gy moghen werden van sunden quyt.

Got de wil in desser tyt losen

De dar laten van dem bosen.

15

De dar huten myt gade upstan,

De scholen vrig van sunden gan.

Up dat ju dat allent sche,

En jewelk hore unde se.