Handschrift B

____________________________________________________________

XXIV

(HS A 41v, HS B 11r-11v, HS c 29r-29v, Klein 24)

I

KAin freud mit klarem herczen/

trüg ich nye ainen tag/

an hoffnung forcht und ſchmerczen/

11v

der ains mich yo bewag/

5

uil armüt ich empfinde/

tëglich auf diſer erd/

mit mangerlay geſinde/

des mir das alder mert/

Mein frewd ward nye ſo michel/

10

uil gröſſer iſt die wart/

wenn mir des todes ſichel/

die zeitlich freud verkart/

güt hoffnung tüt mich waichen/

das ich jr wolgetraw/

15

ich fürcht ſy werd mich laichen/

wie vil ich auf ſey paw/

So mich der ſchmercz begreiffet/

und dent mich zudem tod/

freud hoffnung von mir ſleiffet/

20

und lat mich inder not/

die forcht kompt wie ich ſterbe/

graußlicher wirt die kunſt/

das ich dort nicht verderbe/

jnengeſtlicher brunſt/

II

ALl maiſter uns das lesen/

aus der vil hailgen ſchrifft/

das kainer müg geneſen/

wer jnn der ſünde gifft/

tödlichen wirt erfunden/

30

än beicht büſs ware rew/

des ſel werd dort geſchunden/

mit mangerlay geprëw/

Seyd yecklich ſünd beſunder/

gebuſſet wirt ſwërlich/

35

ſo nymt mich ymm' wunder/

wes ich mich ſelber zeich/

das ich mein tödlich leben/

hie büßlich nicht vertreib/

und laß mich ÿberſtrebn'/

40

den krancken ſnöden leib/

Mit ſünd groß mitter klaine/

und ſwachlichem geluſt/

vernunft volgt mir vnraine/

und all mein ſynn vertuſt/

45

das ich nicht wil verſchrenken/

den gifftiklichen wurm/

der mir die ſel maynt krencken/

ſchärpflich mit herttem ſturm/

III

AJn ſchacz hab ich uerloren/

50

köſtlich das iſt mein klag/

und tüt mir ymm' zoren/

vmb mein vergangen täg/

der ich ſchier hab uertriben/

wol ſegs vnd vierczig jar/

55

ſündtlich darjnn beliben/

das rewt mich ſicher zwar/

Die zeit auf erd hie pringet/

der ſel mang ſweren ſtoſs/

die zeit auf erd hye twinget/

60

uon got genad ſo groſs/

die zeit ſchafft frewd und quale/

hie nach des todes zil/

des haſtu menczſch die wale/

zu nemen was du wil/

65

O außerwelte ſchrancke/

keuſch junckfrewliche macht/

mein lob dir ymmer dancke/

ſeyd du ein kindlin bracht/

das vns mit ſeinem leiden/

70

erloſt an creuczes päm/

ob wir newr wellen meyden/

was jm iſt widerzäm/