Handschrift B

____________________________________________________________

XVII

(HS A 7v-8r, HS B 7r, HS c 16v-17v, Klein 17)

I

UAr heng und laſs/ halt jn der maſs/

bys das du uindſt die rechten ſträſs/

und kanſtu das/ ſo bys dus morner weyſe/

Sag mir wo hin/ ſtat dir dein ſyn/

5

ob ich dir raten kund darjnn/

ſpar mich nicht drīn/ oder du wirſt greyſe/

Der knab der ſprach jn diſer uart/

mag du mir wol erſchieſſen herczen freulin zart/

gar unu'ſpart iſt dir meins herczen trachtn'/

10

Jnſuria ſtet mein gedanck/

zufronem grab nach deinem rat gar ſunder wangk/

nach deinem dankh/ ſo wil ich teglich achten/

Sy fiengen ſich mit luſte/

ze hauff mit ermlin vol/

15

jr ains das ander kuſſte/

das geuiel jn bayden wol/

ſy ſprach uar hin mit ſitten/

hüt dich uor kalamiten/

ſeyd ich dir raten ſol/

II

DJe brüff ze hant/ ker jn leuant/

und nym ze hilff an allen tant/

den wint ponant/ mitten jn dem poppen/

Des ſegels laſt/ zeuch an dem maſt/

hoch auf dem giphel vach den gaſt/

25

tymun halt uaſt/ und la das ſchiff nicht noppen/

Maiſtro prouentz hilft dir vordan/

mit gunſt des klügen elemente trumetan/

grego der man/ vor dem ſo müſtu ortzen/

Challa potzu karga behend/

30

mit der mensur und nach des kimpas firmament/

den magnet lent/ leuant la dich nicht forczen/

Wasßa alabanda ſprīgen/

teuff in die ſutten hinab/

forton la dich nicht dringen/

35

du uar ee jn die hab/

mag dir die porten werden/

ſo hütt dich uor der erden/

du wirff der ancker ab/

III

ZV manger zeit/ kompt dir mit neyd/

40

ſcherock mit groſſem widerſtreit/

mit dem ſo leid/ ſer ſchrotten jn dem wagen/

Derselbig wurm/ pringt geren ſturm/

uach ain quart mit des zirkels furm/

ob du wirſt durm/ ſo tü doch nicht uerzagen/

45

Challa fella eyola groſſo pald/

plasübla rüg dy marner mit dem ſtrang nicht halt/

kompt mit gewalt/ der oſſt intüt uertreiben/

Derselb mag dir zeſtatten kūmen/

mit halber macht als ich es uormals hab vernumen/

50

yſſo zu frūmen tü jm chayola reiden/

Die ſtewr richt im clüge/

engegen mit dem ſyn/

kompt dann gorwin mit füge/

der iagt dich bald dahin/

55

den weg gen Oriente/

got dich herwider ſendte/

du traut geſelle mein.