Handschrift B

____________________________________________________________

XVI

(HS A 6v-7r, HS B 6v, HS c 15v-16v, Klein 16)

I

JCh ſpür ein lufft/ aus külem tufft/

das mich wol dunckt inmein' uernunfft/

wie er genennet/ kennet/ ſey nordoſte/

Jch wachter ſag/ mich prüfft der tag/

5

uns künfftig ſein aus uinſterm hag/

ich ſich/ uergich/ die morgen rot her gloſten/

Die uoglin klingen ÿberal/

galander lerchen zeyſel droſchel nachtigal/

auf perg jn tal/ hat ſich jr geſangk erſchellet/

10

Leit yemāt hye jngüter acht/

der ſich jnfreuden hat geniet die langen nacht/

derſelb betracht/ das er ſich mer geſellet/

Die junckfrow hett uerſlaffen/

der knab wacht lützel bas/

15

ſy rüfften bayde waffen/

all über des tages haſs/

das freulin ſchalt jn ſere/

her tag jr künnt nicht ere/

bewaren jnnder maſs/

II

AIn ſchlicklin weys/ ſy botjm fleiſs/

dem knaben hin mit hendlin gleys/

ſte auff/ und louff/ erkyes den grawn' morgen/

Ein venſter brett/ er fuder tett/

der knab hin zu dem freulin rett/

25

ach got an ſpot/ er kompt da her mit ſorgen/

Er dringet durch das firmament/

der lucifer hat den ſchein uon jm geſendt/

die nacht uolendt/ all gen des tages greyſen/

Er kuſſt ſy an den roten mund/

30

ach herczen lieb nu iſt ſein nicht ein halbe ſtund/

das wir verwunt/ uns taten zeſamen breyſen/

Si wurden ſeufften und klagen/

mit beſlozzen mündlein vein/

das ſy nu wolt veriagen/

35

des liechten tages ſchein/

ſy ſprach mein traut geſelle/

es gee recht wie es welle/

du biſt gewaltig mein/

III

DEr wachter rürt/ ein ſtym er fürt/

40

yal durchein horn das man jn hort/

er kunnt ein gaſt/ mit gelaſt/ uon oriente/

Das freulin tacht/ in lieber acht/

ach ſunne was hat dich fürher bracht/

ich wolt/ an ſolt/ du werſt zu occidente/

45

Jch traut deins scheines wol emberen/

mir wër vil lieb der uns kündet den aubent ſtern/

den ſëh ich gern/ möcht mir der wunſch geräten/

Gar laut ſo lacht der knabe uein/

mein höchſter hort ſo mag es laider nicht geſein/

50

in ſenden pein/ ſo müß ich uon dir watten/

Mein freuden macherjnne/

meins herczen zucker nar/

du haſt mir hercz und ſynne/

benomen ſunder gar/

55

ſy fiengen ſich zeſamen/

mit armen blanck umbuangen/

mein lieb dahin ich far/ –