Handschrift B

____________________________________________________________

XV

(HS A 6r, HS B 6r-6v, HS c 15v, Klein 15)

Gracias

I

WOl auff als das zu himel ſey/

die mīnikleichen wonen bey/

dem Alpha et O der eren krey/

und helfft uns ſagen jn den dankh/

5

mit ſüſſem engliſchem geſangk/

umb zimlich eſſen und getranck/

da mit er ſpeißt die blödikait/

an menczſchlichem geſind/

Amen.

II

DEs ſeyſtu frow an argen hacz/

10

gelobt mit deinem höchſten ſchacz/

der jn dir würckt ein freyen placz/

uor dem ich ſünder mich beklag/

das ich in ellendlicher wag/

uil han verczert vnnüczer tag/

15

jndiſer ſnöden zeit ſo brait/

die mir verlech dein kind/

6v

III

So iſt es laider uil ze ſpät/

ich rüff inengeſtlicher wat/

hilf mayt mit gantzer trinitat/

20

und las uns nicht der helle uas/

ſo biſtus frow der ich genas/

des ſing wir deo gracias/

mit frid rew herr alle ſelen beklaid/

wo ſich der glouben erfindt. Amen.