| |
|
-
- D a s n a r r e n s c h y f f .
X L I I I . v e r a c h t ū g e w i g e r f r e y t
- __________________________________________
- Das ich alleyn zyttlichs betracht
Vnd vff das ewig hab keyn acht
Das schafft / eyn aff hat mich gemacht
- verachtūg ewiger freyt
- Eyn narr ist / wer berűmet sich
Das er gott ließ syn hymelrich
Begerend / das er leben mag
Inn narrheyt / biß an jungsten tag
- 5
- Vnd blyben mœcht eyn gůt gesell
Er far joch dann / war gott hyn well /
Ach narr / wer doch vff erd eyn freyd
Die wert eyn tag vnd nacht on leyd
Das sie nit wurd verbittert dir
- 10
- So mœcht ich gdencken doch jn mir
Das du mœchtst han ettwas vrsach
Die doch wer narreht / klein vñ schwach
Dann der hatt worlich dorecht glust
Wæn hie die leng zů leben lust
- 15
- Do nüt ist dann das jamertal
Kurtz freüd / voll leid steckt vberal
Gedencken soll man wol do by
Das hie keyn bliblich wesen sy
Die wile wir farent allesant
- 20
- Von hynnan / jn eyn frœmdes landt
Vil sint vorhyn / wir kumen noch
Wir műssen gott an schowen doch
Es sy zů freüden oder stroff /
Dar vmb sag an du dorehts schoff
- 25
- Ob grœsser narr ye kem vff erdt
Dann der / wer sollches mit dir gerdt
Du wünschest von got scheyden dich
Vnd würst dich scheyden ewigklich
Eyn hunig trœpflin dir gefalt
- 30
- Vnd wurst dort gall han / tusent falt
Eyn ougenblick / all freüd hie sint /
Dort ewig freüd vnd pyn man findt /
Welch fræuelich triben sollch wort
Den fælt jr anschlag / hie vnd dort
|
|