Buch der Natur

IV. VON DEN PAUMEN.

A. VON DEN PAUMEN

IN AINER GEMAIN.

___________________________________________________

53.

Von der linden..

Tilia oder dilia haizt ain lind. der paum ist gar bekant pei uns und ist gar lüftiger art. dar umb ist sein holz gar leiht. des paums plüet habent vil honigs und wahses und dar umb sitzent die peinen gern dar auf. daz honig ist pezzer und paz gesmach, daz die peinen dar ab samnent, wan kainerlai ander honig. ez ist auch des paums schat den menschen zimleicher wan anderr paum schat.