Buch der Natur

III. HIR HEBT AN DAZ DRITT

STÜCK DES PUOCHS

VON DEN TIERN

IN AINER GEMAIN

A. UND DES ÊRSTEN VON DEN DIU

DA GÊNT AUF ERDEN.

___________________________________________________

55.

Von dem wundertier.

Onocentaurus, sam Isidorus spricht, ist ain wundertier, wan ez hât ain haupt als ain esel und ainen leip sam ain mensch, und spricht Jeronimus, daz sant Anthonius der ainz in der wüesten sæhe. die andern sprechent, daz ez halbez ain mensch sei von dem nabel über sich und halbez ain esel niden hin ab.