Buch der Natur

I. Von dem Menschen

in seiner gemainen Natur.

___________________________________________________

49.

Von den zaichen der natürleichen siten.

e. Von den naslöchern.

Wer spitzig dünneu naslöcher hât, der ist ain krieger und kriegt gern. wer grôzeu naslöcher hât und weiteu, der hât klain weishait. wer an der nasen langeu naslöcher hat und dünneu, der ist gæch und ain tôr und leiht. wer praiteu naslöcher hât, der ist unkäusch. wem diu naslöcher sêr offen sint, der ist zornig von nâtûr.