Buch der Natur

I. Von dem Menschen

in seiner gemainen Natur.

___________________________________________________

49.

Von den zaichen der natürleichen siten.

f. Von der stirn.

Welhes stirn sleht ist und niht gerunzelt, der ist kriegik und macht gern krieg. welhes menschen stirn sich gesamnet hât auf ir mitel, der ist zornich. wer ain klain stirn hât, der ist ain tôr, und wer ain grôz stirn hât, der ist gar træg. wer ain gar gerunzelt stirn hât, der ist unschämig.