Buch der Natur

I. Von dem Menschen

in seiner gemainen Natur.

___________________________________________________

49.

Von den zaichen der natürleichen siten.

d. Von den überprawen.

Welhes menschen überprâwe vil hârs habent und rauch sint, der hât vil gedänk und tief trahten und vil traurichait und ist sein sprâch unrain und grob. wer lang überprâwe hât, der ist hôchvertig und unschämig. wes überprâwe sich ze tal naigent gegen der nasen und sich oben aufrihtent gegen dem slâf, der ist unschämig und ains stumpfen sinnes.