Ulrich von Liechtenstein
ca. 1200 -1275
Vrowen dienst
1255
Ulrich läßt sich den Finger abschlagenund schickt ihn zusammen mit dem 2. Büchleinseiner frouwen. Tief betroffen erlaubt sie ihm inihrem Dienst seine Venusfahrt anzutreten.(Strophe 437 - 469)
|
|
|
__________________________________________________________________________________
|
|
Âventiure wie der herre Uolrîch sînen vinger abe sluocund sant in sîner frowen.
|
|
437 |
Dô gie ich von dem boten dan,dô, ich vant einen biderben man:der was von Hasendorf genanther Uolrîch, der wol bekant |
5 | was von sîner frümecheit:er was ze dienste mir bereit.den bat ich durch die triuwe sîn,daz er abę slüege den vinger mîn.
|
438 |
Dô sprach er: «neinâ, herre, nein!sô wæren iwere sinne clein,und wære ein grôziu missetât.vergâht iuch niht: daz ist min rât. |
5 | ir sült iuch sus verderben niht.mîn munt von wârheit iu des giht:ob ir ez tuot, dêst missetân.dâ von sô sült irz gern lân.»
|
439 |
Ich sprach: «zwâr ich lâze sîn niht,swaz schaden mir dâ von geschiht;und man iuch des, ob ich iu ienoch würde liep, daz sült ir hie |
5 | erzeigen sô, daz ir slaht abeden vinger mîn, sît ich in habeungerne. ez ist friundes muot,swes ich iuch bite, daz ir daz tuot.»
|
440 |
«Ich tuon daz und rehtę, swaz ir welt.ich hân ze friunt iuch mir erweltund bin iu dienstes undertânund wil des nimmer abe gestân.» |
5 | dô nam ich sâ daz mezer sînund satzt ez ûf den vinger mînund sprach: «nu slach dar, biderb man!»er sluoc: der vinger der spranc dan.
|
441 |
Diu wunde diu bluot krefticlîch.dar kom mîn bote zühte rîch,der vil verholne zuo mir gie.er sprach: «wie nû? waz tuot ir hie? |
5 | habt ir den vinger abe geslagen,sô muoz ich daz von herzen klagen,daz iuch mîn ouge ie gesachund ich ie wort gein iu gesprach.»
|
442 |
«Friunt, nu lâ dîn zürnen sinund füer ir hin den vinger miînund sage ir von mir daz für wâr,daz ich ir diene mîniu jâr |
5 | mit rehten triwen sunder wanc.und wil si mirs niht wizen danc,daz ich si vor allen vrowen hânze liebe erkorn, dêst missetân.»
|
443 |
«Mir ist leit, daz ir ez habt getân,sît daz abęr ez nu ist ergân,sô sült ir rihten ein botschaft,diu mit süezen worten kraft |
5 | habe, und sult si senden irund ouch den vinger hin bî mir.ich füer si willeclîchen dar.got gebe, daz ich iu wol gevar!»
|
444 |
«Ich volgę dirs gern, sît ich ez kan.»zehant ich tihten dô beganein vil gefüege büechelîn.bî dem sant ich den vinger mîn |
5 | hin, dâ diu reine, süeze was.in einen samît als ein graswant man daz büechel an der stat.ein goltsmit ich mir würken bat
|
445 |
Zwei britelîn von gold aldâ:dar in bant man daz büechel sâ.daz diu sperre solde sîn,daz was alsô zwei hendelîn |
5 | gemachet harte lobelîch:den vinger dar in meisterlîchmachte wir. sâ an der statder bot mich urloubes bat.
|
446 |
Ich sprach: «nu müez dînęr saelde pflegengot dort und ouch under wegen!»mit solher rede er von mir reit:ich was hie und het senediu leit. |
5 | dô er hin zuo der guoten quam,daz büechlîn er verholne nam:mit grôzen sorgen er hin gie,dâ in diu tugentrîch enpfie.
|
447 |
Si sprach: «ich wil grüezen dich,swie dû doch hâst beswæret mich.sagę an: sagęstû iht niwes mir,daz wil ich wol erlouben dir.» |
5 | «jâ, vrowe», sprach der bot zehant.«iu hât bî mir dâ her gesantmîn herre ein cleinez büechelîn:daz bringet iu den vinger sîn.»
|
448 |
Der bote daz büechelîn gab ir.ir sült für wâr gelauben mir,dô sî den vinger reht ersach,die reine, guote, süeze sprach: |
5 | «owê, ditz ist ein grôz geschiht!ich ęnsolt der tumpheit trûwen niht,daz immer ein versunnen manim selben hete daz getân.»
|
449 |
Daz büechel tet si ûf zehant,dar an si wol geschriben vant,daz ich ir wolde dienen garmit triuwen elliu mîniu jâr, |
5 | und daz mîn herzę, lîp unde lebenir gar ze dienste wær gegeben.daz büechel ir für wâr des jach.nu sült ir hœren, wie ez sprach:
Daz ist ein büechlîn, daz ander.
[ . . . ]
|
465 | « . . . Bot, durch alle triuwe dîn,nu var ôt aber ze dẹr vrowen mînund sage ir, wie ich welle varn.bit sî ir güete an mir bewarn |
5 | alsô, daz sî mit willen mirerlaubẹ, daz ich den dienest irdiene, als ich doch willen hân.ob sî daz tuot, dêst wol getân.»
|
466 | Der bot sâ zuo der vrowen fuor,der des ûf sîn sælde swuor,daz ich ir diente mîniu jârmit triuwen sunder wenchen gar. |
5 | mîn vart er ir vil rehte saget:er sprach: «vrowe, ob iu behagetsîn ritterlîcher dienest niht,daz ist unbilde, ob daz geschiht.»
|
467 | Sî sprach: «bote, du solt im sagen,von mir die botschaft niht verdagen.und ist, daz er die vart getuot,als dû mir sagest, si ist im guot, |
5 | im wirt dar umbe ein sölher solt,daz im di biderben werdent holt,ob ez im gegen mir niht enfrumt,an lobe ez im ze staten kumt.»
|
468 | Der bot mit freuden von ir fuorzuo mir; er vant mich bî der Muorze Liehtensteine, dâ was ich.dô ich in sach, des vreut ich mich. |
5 | ich sprach: «vil wol gezogner knabe,sage mir, ob sich wol gehabediu herzenliebiu vrowe mîn,sô wil ich hôhes muotes sîn.»
|
469 | Er sprach: «si ịst schœn und dar zuo frô,si hât anboten iu alsôumb iwer vart, ob ir di tuot,si sî iu endelîchen guot. |
5 | ob sî iu niht ze staten kumtgein ir, an êrẹn si iuch gefrumt,si trœstet iuch des endelîch,daz ir dâ von wert êren rîch.» |