bibliotheca Augustana

<<< Übersicht <<< vorige Seite nächste Seite >>>

BIBLIOTHECA AUGUSTANA

Konrad von Würzburg

um 1225 - 1287

	Der Trojanerkrieg Das Eingreifen weiterer Heerscharen Polidamas rettet den verwundeten Remus. Heldentaten des Hektor und Achill. Weitere Helden greifen in den Kampf ein. Heldentaten des Paris. 32353 - 33770
__________________________________________________________________________________
	Mit disen worten hæte Pollidamas der stæte
32355	die flühteberenden dô gemant, daz si begunden alzehant hin wider kêren an den strît. dar nâch sô rief er Troie sît und nam daz ros mit scharphen sporen.
32360	alsam ein ritter ûz erkoren îlt er des mâles unde reit, dâ Rêmus ûf den plân geleit was von Menelâô wunt. Polydamas bringt den von Menelaus verwundeten Remus auf seinem Pferd in die Stadt umb in het er in kurzer stunt
32365	vil wîten rûm gehouwen. er lie sîn ellent schouwen und sînen ritterlichen muot. hin ûf sîn ros unmâzen guot zuht er den künic unde swanc
32370	ân aller sîner vînde danc hin zuo der stat an sîn gemach, dâ zuo der wunden im geschach rîlicher arzenîe rât. Pollidamas durch die getât
32375	vil hôhe wart geprîset und ûf den plân gewîset ze ganzer wirde liehtgevar. dar nâch sô kam diu fünfte schar von Troie dar gestrichen,
32380	die fuorte ritterlichen Dêîfebus der küene. ûf die plânîe grüene brâht er si bî der selben zît. mit im sô kêrten an den strît
32385	der grâve rîch Prethemesus und der herzog Estreus; die wâren ritter vollebrâht. sie heten sich des wol bedâht unde ir sin dar ûf gewant,
32390	daz si mit ellentrîcher hant Dêîfebô gestuonden bî. beschouwet hetens' alle drî, daz Menelaus der künic wert het alsô wol sîn edel swert
32395	genützet und gebrûchet, daz nider was gestrûchet von im der künic Rêmus. nû si den ellentrîchen sus nâch lobe gesâhen strîten,
32400	dô wurdens' an den zîten zuo der verlüste sîn bereit. die fünften schar lanc unde breit mit worten si dâ manten. ze Menelâô ranten
32405	die drî gesellen schiere. Dêîfebus der ziere ein sper ûf sîme schilte brach. Prethemesus ouch einen stach ab sînem rosse dâ zehant,
32410	der hete an im ein rîchez lant und was ein herre kurteis. genant was er Pelimatreis und fuorte in eime schilte blanc von lâsûr einen blâwen schranc,
32415	der schein wol einer spannen breit. enmitten ûf den schranc geleit von golde was ein rôse rôt, diu liehten schîn den ougen bôt mit ir gezierde wunneclich.
32420	Prethemesus gap einen stich dem ritter, der si fuorte. geswinde er ûf in ruorte und mit sô hürteclicher kraft, daz er den ungefüegen schaft
32425	an sînem kophe dâ zercloup und sich ein langiu spitze schoup dur sînes helmes barbier: dâ von der hübesche betschilier ein ouge von dem stiche
32430	verlôr dâ snellecliche und wart alsus geletzet. ouch hete dâ gesetzet der herzog Estreus zehant der Kriechen einen ûf den sant,
32435	der was ein edel markîs. geheizen was er Lifronîs und warp nâch wîbes ruome. gel sam ein ringelbluome fuort er ein wâpenkleit gebriten,
32440	dâ wâren schîben ûf gesniten ûz purper grüener denne ein gras. in iegelicher schîben was ein silberwîzer sterne: wan Lifronîs ein kerne
32445	was an hôher degenheit, sô wart ein rîchez wâpenkleit an im des mâles funden. doch wære er bî den stunden von sîner wirde brâht alsô,
32450	daz Estreus der künic dô die lanzen sîn ûf im zerbrach und in vermezzenlichen stach ab sînem rosse wandels frî. seht, alsô wurben dise drî
32455	Prethemesus und Estreus und der helt Dêîfebus nâch ganzer wirde lône. ir sper diu wurden schône vertân des mâles und verzert.
32460	dar nâch mit swerten wart gebert ûf die von Kriechen von ir hant. die fünften rotte, diu gesant was von Troie dar mit in, die kunden si ze strîte hin
32465	nâch volleclichen êren dô leiten unde kêren. Si gâben ir die bîschaft, daz si mit witzen und mit kraft begunden vehten ûf dem plân:
32470	des wart dô schaden vil getân ze bêden sîten ûf der wisen. sô rehte drâte nie gerisen die nüzze, die man abe swanc, sô balde tôt dâ nider sanc
32475	der ritter manicfaltekeit. ros unde man Hector versneit alsam daz gras diu sichel. ouch wart der schade michel, den Achilles dâ begie.
32480	der eine dort, der ander hie sluoc unde stach enwiderstrît. si giengen ûf der heide wît mit slahte grimmez jâmer an. ouch was dâ manic ander man,
32485	der ellentrîch wart funden. man seit, daz vil der wunden zuo der plânîe viele. der marner ûz dem kiele sô vaste ein ruoder nie gezôch,
32490	swenn er die tobenden winde flôch, sô sêre sich diu ritterschaft ze beider sît mit hôher craft des grimmen tôdes werte. der strît der wart sô herte,
32495	der von der fünften rotte ergienc, daz manger dâ sîn ende enphienc und einen bitterlichen tôt. geloubent, daz in bluote rôt ir etelicher dâ versanc
32500	und drinne jæmerlîche ertranc, der sîner wunden swære vil wol genesen wære, het in verderbet niht daz bluot, daz als ein wildiu wâges fluot
32505	ûf dem gevilde swebete. Dêîfebus der strebete nâch lobe an allen enden. mit herzen und mit henden vaht er umb êre sam ein helt.
32510	ein kürlich ritter ûz erwelt der wart von im verhouwen, den heten werde vrouwen nâch hôhem prîse dar gesant unde ûz sîden mit ir hant
32515	al sîniu wâpenkleit geweben. von wilden tieren und von reben mit golde wâren wol zernât. er fuorte ritterlîche wât und was ein phallenzgrâve hêr,
32520	geheizen was er Plîadêr und vaht nâch hôher werdekeit. Dêîfebus ze tôde sneit sîn edel verch von frîer art, alsô daz er gevellet wart
32525	von sîner frechen hende zier. er sluoc in dur daz miusenier sô tiefe in sînen linken arm, daz im daz bluot heiz unde warm dar ûz begunde wallen
32530	und er dâ muste vallen zuo der plânîe grasevar. der slac im die beswærde bar, daz er dem tôde kam ze hûs: wan im verschrôten wart diu mûs,
32535	sô werte unlange sîn genist. er starp in einer kurzen frist und manic ritter ander. der helt Gurdimalander, der künic was ze Manziflôr,
32540	sîn werdez leben ouch verlôr des selben mâles schiere gnuoc. Achilles in ze tôde sluoc Troiæren z' eime leide, mit den er ûf die heide
32545	durch helfe was gerennet. sîn wâpenkleit erkennet wart für mange tiure wât. ez was ein rîcher triblât sô vremede und alsô wæhe,
32550	daz keiner nie sô spæhe gesehen wart vor Troie. geverwet als ein gloie was sîner wâpencleider schîn. geweben und gedrungen drîn
32555	von golde wâren tracken, die sach man drinne stracken ûf eime netze reine, daz drîn von berlîn kleine mit hôhem flîze was geleit
32560	durch daz rîlîche netze breit, daz löcherehte dûhte, des phellers varwe lûhte, diu sam ein gloie was getân. er kam gezieret ûf den plân
32565	hêrlichen unde schône gnuoc. für stahel fuorte er unde truoc golt und lûter silber an. sîn swert daz hete ein wîser man geworht in sîner smitten.
32570	reht in dem strîte enmitten begegent im Achilles. geniezen sult ir wênic des, Troiæren z' eime leide, daz ir ze helfe sîn gesant
32575	Troiæren ûf der Kriechen schaden. man darf iuch niemer mê geladen ze keime str2te für diz mâl. sus huop er ûf dô sunder twâl sîn edel swert, des er dô wielt,
32580	mit dem sô kloup er unde spielt helm unde gebel im enzwei, des huop sich jæmerlich geschrei von sînem fürsten hôch geborn. daz er dâ muoste sîn verlorn,
32585	mit nîde si daz râchen. si sluogen unde stâchen der Kriechen vil ze tôde. man hete in eime sôde sô vil niht wazzers funden,
32590	als ûz der veigen wunden dâ bluotes jæmerlichen flôz, wan diu malîe wart sô grôz, daz gnuoge ir ende nâmen. die Kriechen êrst dâ kâmen
32595	ze velde mit zwivalter schar. ê fuortens' eine und eine dar, nû brâhten si zwô samenthaft, durch daz Prîandes ritterschaft gelæge sigelôs iedoch.
32600	niht wan fünf rotte wielt er noch und die von Kriechen zehen schar, der wolten si zwô schicken dar an sîner eine mit gewalt: des wart gemachet zwivalt
32605	diu sehste rotte wunnesam, diu sît von in ze velde kam. Si brâhten mit ein ander dô der aller schœnsten rotte zwô, die man mit ougen ie gesach,
32610	dar inne wunneclîchiu dach die liute fuorten und diu ros. der werde künic Epistros der phlac der einen parte und was gezieret harte
32615	durch liehten und durch hôhen prîs. im half der künic Stelophîs der selben rotte walten. diu ander schar enthalten wart von Thelamône,
32620	der zepter unde krône mit êren truoc ze Salaphîn. inder geselleschefte s2n vier amiralde wâren, der wâpencleider bâren
32625	den ougen spilende gnâde. si wâren von ciclâde gesniten ûzer mâzen fîn. einhalp si gâben rôten schîn und anderhalben grüenen glanz.
32630	von golde manic rôsencranz was ûf daz grüene teil geleit und ûf daz rôte velt gespreit von silber manic vrouwe. in wunneclicher schouwe
32635	bekâmen die zwô rotte dar. ouch hete sich diu sehste schar von Troie dâ bereitet, diu schône wart geleitet zuo der plânîe velde.
32640	geblüemet als die welde, die Meie wol gezieret hât, kam si mit ritterlicher wât gesnurret und geswungen. ir kleit daz was gedrungen
32645	ûz sîden mit den spelten. ich wæne, man nû selten sô tiure wert vergiltet. diu rotte fuor beschiltet nâch wunsche und ouch besetelet.
32650	man hete niht erbetelet, swaz si gezierde brâhten dar. si was mit rîcher koste gar schôn unde wol erziuget. ein valke niht enfliuget
32655	sô balde, sô diu rotte kam. mit einer presse wunnesam wart si gewîset ûf daz gras. der wîse fürste Enêas der fuorte si, geloubent des!
32660	ein amiralt hiez Cardes, der half die schar im leiten und ûf den strît bereiten mit werken und mit sprüchen; des wart von speres brüchen
32665	dâ löcherehte manic schilt. den val mîn zunge niht verhilt, der in der sehsten schar geschach. dô si ze velde komen sach zwô rotte von der Kriechen her,
32670	dar kêrte si mit hôher wer in beiden schône engegenwert: des wart gezücket manic swert und lanzen vil geneiget. gevellet und geveiget
32675	wart vil manger muoter barn von den zwein ungefüegen scharn, die zuo der einen schuzzen und si vil gar beguzzen mit schîbelehter krümbe.
32680	beslagen ümbe und ümbe wart si von beiden harte reht als ein wurzegarte mit eime zûne dicke. des wurden fiures blicke
32685	ûz helmen dâ gedroschen. ein zunder vaste erloschen daz hete man dâ wol enbrant. man schriet dâ stehelîn gewant mit swerten und mit spiezen.
32690	si drungen unde stiezen, si zarten unde brâchen si sluogen unde stâchen, si wurfen unde schuzzen. vil bluotes si verguzzen
32695	bêde ûf grase und ûf dem kise. ze tôde sluogen jene dise und dirre den besunder. Troiære viel ein wunder verhouwen ûf daz grüene gras;
32700	wan daz der helt Enêas vil gar vermezzenlichen streit, diu schar müest anders sîn geleit gelîche und algemeine tôt. sîn craft der sehsten rotte bôt
32705	helf unde stiure manicvalt. Cardes der edel amiralt leit ouch ze strîte sînen flîz. er fuorte in eime schilte wîz gemâlet einen swarzen môr.
32710	alsam der sturmewint daz rôr mit crefte neiget in daz mos, alsô kund er man unde ros mit sîner hende drücken. er schriet dâ mange lücken
32715	und mahte im selber wîten rûm. ûz sînem rosse dranc der schûm und der vil angestbære sweiz. von Geinte grâve Cacudeiz verdarp von sîner crefte dâ,
32720	des schilt erschein gel unde blâ von lâsûr und von zinober. sîn under teil und ouch daz ober gezieret was mit bilden. daz ober zweier wilden
32725	serpande lieht von golde wielt, daz under teil an im enthielt von silber einen adelaren. der selbe grâve was gevaren mit den von Kriechen ûf den sant.
32730	in sluoc des amiraldes hant ze tôde bî den stunden. er schriet im eine wunden durch sîner sîten rippe. Tanchrête von Agrippe
32735	viel ouch verhouwen ûf daz gras, den sluoc der helt Enêas mit ellentrîcher degenheit. der fuorte ein blankez wâfenkleit gesniten von hermîne vrisch,
32740	dar ûf geströuwet manic visch von schînâte lûhte, der swarz geverwet dûhte reht als ein zîtic brâmber. dâ wart mit ritterlicher wer
32745	enwiderstrît gevohten; ein schar in zwô geflohten sich hete ân allez underbint: des starp dâ manger muoter kint und lac erbermeclichen tôt.
32750	diu schar leit angest unde nôt, diu komen was von Troie. der grimmen swære boie begunde ir herze twingen. man hôrte swert dâ klingen
32755	und schefte vil erkrachen, als eines zûnes spachen, die der wint kan derren. halsperge sach man zerren und ganze schilte clieben.
32760	man sach daz fiur dâ stieben ûz liehten helmen hôhe enbor. nû wart eht aber Hector schier unde balde des gewar, daz sînes vater sehste schar
32765	mit nœten was gebunden: des stuont er bî den stunden ze helfe sîner diete stolz. er kam als ein gevidert bolz, der ûz der nüzze snellet.
32770	von sîner kunft gevellet wart vil manger in verlust. er dranc mit hurteclicher just ir gnuoge zuo dem sâmen. vil ritter nâch im kâmen
32775	gerant ûf sîner verte hin, als einer bîen manic bin kan volgen, diu si wîset. Hector, der hôch geprîset ie was für alle ritter,
32780	vil strenger nœte bitter die vînde dô gewerte. mit sîme glanzen swerte maht er vil wundersiechen. er îlte zuo den Kriechen
32785	als under schâf ein illeber, der si mit gîteclicher ger zerschrenzet und verslicket. diu sehste rotte erquicket wart von sîme trôste.
32790	von sorgen er si lôste mit sîner frechen hende wert. man flôch sîn bitterlichez swert alsam den bitterlichen tôt. swenn er sich dâ ze slage bôt,
32795	sô wart gemachet im ein rûm sô wît, daz nâch im âne sûm gezogen wære ein michel wagen. swaz aber dâ von im erslagen wart ellentrîcher liute,
32800	daz künde ich iu ze tiute mit rede kûme entstricken. man sach in wunder schicken mit grimmer slahte bî der zît. dar nâch sô kâmen aber sît
32805	zwô rotte von der Kriechen her, die wol mit ritterlicher wer gezieret wurden, ûf daz velt. si kêrten ûz für diu gezelt, diu schône stuonden offen
32810	und kâmen drûz gesloffen mit wâfenkleidern liehtgevar, alsam der glanzen bluomen schar des morgens ûz dem grase tuot. der einen parte wol behuot
32815	mit hôhem flîze reine wielt Ajax der cleine und der künic Dôas. nâch êren ouch beschirmet was daz ander teil, geloubent des!
32820	sîn phlac der fürste Ipomenes mit sîner ellentrîcher hant. ein helt, Filithoas genant, half im die rote wîsen. mit purper und mit îsen
32825	gezieret si ze velde reit. ir decke und al ir wâfenkleit die gâben liehtberenden schîn. si wâren edel baldekîn und ûz erweltiu sîde gar.
32830	nû kam ouch dâ diu sibende schar von Troie alrêrst gehürtet. ûf rossen wol begürtet wart si gefüeret an den strît. si fuorten liehten samît
32835	und manger hande zendâl. rîlîchiu zimier liehtgemâl verr ab ir helmen glizzen. diu rotte sich geflizzen het ûf gezierte schilte.
32840	die künge niht bevilte zerunge, des sît sicher! sich liez ir iegelicher den strît vil gerne kosten, dâ von sach man dâ glosten
32845	kleinœte manger leige var. von Troie kam diu sibende schar rîlichen unde schône gnuoc. zwô rotte, der ich ê gewuoc, des endes fuoren alzehant,
32850	daz vil der Kriechen ûf den sant Hector mit nîde valte. die rotte mit gewalte zuo der patelle drungen. von den zwein samenungen
32855	Hector in angest wart getriben. ich wæne, er müeste sîn beliben des mâles ûf der heide tôt, hæt im geholfen ûz der nôt diu sibende rotte niht zehant,
32860	diu von Troie was gesant. Si kam ze stiure sîner kraft. dô si den ritter ellenthaft begunde in nœten schouwen, dô wurden ors gehouwen
32865	mit sporen wol gezieret, dwart geschenkelieret von ritterlichen beinen. diu glanzen und diu reinen banier von golde liehtgemâl
32870	diu wurden schiere sunder twâl geneiget bî der zîte. diu sibende schar ze strîte geschozzen kam vil snelle, sam ûf dem mer diu welle
32875	ze stade vert ân underbint, sô si der wilde sturmewint in sîner tobeheite jaget. die schar kreftic und unverzaget Pârîs der wol bedâhte
32880	in sîner huote brâhte ze velde ritterlîche alsus. im half der fürste Perseus ze strîte si dâ füeren. hin an die vînde rüeren
32885	begunde si mit sneller maht. si war sich drunder unde flaht mit ellentrîcher magencraft. Pârîs der werde sînen schaft mit êren dâ verzerte.
32890	er stach die lanzen herte ûf einen ritter ûz genomen, der was im an der verte komen dur hôhen prîs engegenwert und hete jost an im gegert
32895	dur sînen ritterlichen sin: des nam er grôzen ungewin, wan er in dur sîn herze traf, daz im daz rôserôte saf dar ûz begunde dringen.
32900	der helt von Canfelingen was geheizen Parcilôt. sîn schilt der was mit kelen rôt bedecket und bevangen. drî zobelswarze spangen,
32905	die man leite ûf eine tür, dar ûz erlûhten und dâ für, als ez dem schilte wol gezam. der selbe ritter lobesam was ein barûn vil hôchgeborn
32910	und hete sînen lîp verlorn des mâles alsô schiere, wan in Pârîs der ziere benam mit eime stiche sîn leben snellecliche.
32915	Er valte in zuo dem plâne breit. dar nâch sô kêrte er unde reit in den vil angestbæren strît und mahte im selber alsô wît mit stœzen hurtebære,
32920	daz er ân alle swære zuo sînem bruoder hin gedranc, den angestlîchiu swære twanc von manicvalter ritterschaft. Hector mit hôher übercraft
32925	des mâles hielt bevangen. er hete dâ begangen an liuten grôz unbilde. vor im stuont daz gevilde beströuwet wol mit âsen.
32930	mit wunden und mit mâsen tet er den Kriechen alsô wê: man seit, daz vor im ûf dem clê daz bluot unmæzeclichen sige. nû merkent, wie daz korn gelige,
32935	daz der hagel hât gebert, sus het er ûf des plânes wert der tôten liute vil geleit. er hielt des mâles unde streit in der mâlîe enmitten.
32940	daz stahel in der smitten getengelt nie sô sêre wart, alsam der helt von hôher art mit swerten wart gebliuwen: dâ von was er entriuwen
32945	durch wâre schulde müede. daz in Pârîs entlüede von herzen, des bedörfte er wol. von hitze gluote sam ein kol an im sîn edel harnasch,
32950	der von sîns bruoder helfe erlasch. Pârîs der ûz erwelte ze bêden sîten quelte sîn ors mit bluotevarwen sporn. daz truoc den herren hôchgeborn
32955	durch die vil dicken presse. jô sach er unde wesse, daz Hector in nœten hielt. dâ von sô brach er unde spielt die rotte in kurzer wîle,
32960	sam der mit eime kîle zerklübe grôziu blöcher. schrenz unde wîtiu löcher schriet er durch liehte schilte, sô lange biz der milte
32965	gedranc zuo sînem bruoder, des hant vil manic muoder verschrôten hete sunder twâl an wâfenröcken liehtgemâl und an gewæfen stehelîn.
32970	Pârîs der lie dâ werden schîn, daz er des lîbes was ein helt. als ein guot ritter ûz erwelt begunde er strîten alzehant und leite mangen ûf den sant,
32975	der sînem bruoder tet gedon. der phallenzgrâve Anthilion, von Salmonîe bürtic, der hielt engegenwürtic und alsô rehte nâhe bî
32980	dem ellenthaften Hectorî, daz er ûf in stach unde sluoc. Pârîs niht langer des vertruoc, wan im was leit sîn ungemach. mit zorne rief er unde sprach:
32985	Niht slahent mê den bruoder mîn! iu wirt ein bitter ende schîn, ob ir niht mâzent iuch der slege. daz iuwer kraft hie nider lege als ûz erwelten jüngelinc,
32990	daz sol ein ungehœret dinc belîben ûf der erden. ir müezent frecher werden, ê daz iu dirre prîs gezeme, daz ein sô kürlich ritter neme
32995	von iu verlüsteclîche nôt. ze selten ist von bluote rôt dar zuo gegerwet iuwer swert, daz ir ûf mînen bruoder wert sô frevellichen soltent beren.
33000	möht er sich selben niht erweren, sô wizzent, daz ich iu doch niht vertrüege, daz er kumbers iht von iu begunde lîden. liez ich in hie versnîden,
33005	sô wære ich krenker denne ein wîp. sîn ist ze vil, daz iuwer lîp nâch sînem ungewinne sene. ir müezent iuwer fûlen zene verstôzen anders denne ûf ime.
33010	ich hœre selten und vernime von iu sô freche manheit sagen, daz ich iu welle daz vertragen, daz Hector von iu kome ze nôt. der grâve des antwürte bôt,
33015	als im dâ was gemæze. er sprach: der iuch entsæze durch iuwer claffen üppeclich, der dûhte wol ein tôre mich, wan iuwer rede ist âne kraft.
33020	ir selber sint als ellenthaft gewesen iuwer tage niht, daz ir mir hie bedürfent iht verwîsen mîner zageheit. ob iuwer hant ie lop erstreit,
33025	daz ist ze liehte wênic komen. daz ir Helênen hânt genomen der Kriechen lande in roubes wîs, daz ist der aller meiste prîs, den iuwer manheit ie gewan,
33030	und lît doch lützel êren dran, daz man den küngen vrouwen stilt. sît iuch der wirde an mir bevilt, daz ich mich iuwers bruoder wer und ich ûf in slah unde ber,
33035	sô kêrent selbe her zuo mir und strîten sament ich und ir, daz ist gemæze uns beiden gar. wir sint gar selten bloutgevar in kamphe bêde worden,
33040	dâ von ist unser orden gelîch an ritterschefte wol. swie kleine ich hôher wirde zol in mînen jâren hân bejaget, iedoch sô wart ich sô verzaget
33045	an lîbe noch an muote nie, daz ich iu welle entwîchen hie. Pârîs der sprach: daz wirt beseh ein strît der muoz von uns geschehen, sît wir gemæze ein ander sîn.
33050	hie sol noch hiute werden schîn, wer under uns den prîs bejage. sus bôt er schiere sich ze slage mit creften und mit henden. sîn ros begunde er wenden
33055	hin ûf den ritter ûz erkorn. er twanc ez mit den scharphen sporn ûf einen hurteclichen sprunc. ouch wolte sich der grâve junc Anthilion niht sûmen.
33060	die stat begunde er rûmen, dar ûf er strîteclîche enthielt. sîn frechez ros, des er dâ wielt, daz kunde er ûf Pârîsen ouch wenden unde wîsen
33065	mit sporen und mit zoume. er nam des rehte goume, daz er ûf in geruorte. den schilt von silber fuorte der phallenzgrâve Anthilion.
33070	dâ lûhte in swarzem schîne von ein wildiu katze von dem mer. der helt in ritterlicher wer wart bî namen nie gesehen. swie Pârîs dâ niht wolte jehen,
33075	daz manheit an im læge, doch was er niht ze træge, swâ man nâch hôher wirde streit. ein huot mit silber überleit swebt ûf dem glanzen helme sîn.
33080	zwô stangen phâwenvederîn mit einem rôten samît edel bewunden ûf biz an den wedel die sach man haften unde kleben an dem rîlichen huote eneben,
33085	sam si gewahsen wæren dran. von sîme glanzen helme dan erlûhte diz kleinœte fîn. Pârîs der widersache sîn fuort einen schilt von golde,
33090	nâch hôher wirde solde gezieret und verdecket, dar în sô was gestrecket ein löuwe von rubînen, den sach man rôt erschînen
33095	gelîch dem wilden fiure. mit eime pheller tiure was sîn ros und er verdaht. er hete ûf sînen helm gemaht nâch sînes schiltes wâpen
33100	die schenkel mit den tâpen eins löuwen, den er drûfe truoc, der stuonden zwêne schône gnuoc geschrenket drûf in kriuze wîs und wâren die durch hôhen prîs
33105	durslagen rôt von golde fîn. die klâwen glizzen silberîn, die von den tâpen lûhten und alsô lûter dûhten, daz nie kein spiegel wart sô klâr.
33110	Pârîs gesprenget offenbâr kam ûf den grâven ûz erwelt; daz selbe tet der küene helt her wider an Pârîsen. ich wil si beide prîsen
33115	umbe ir ritterlichen art: werlicher nie gesprenget wart ze strîte, dan si tâten. si riten wol berâten mit zwein erwelten swerten,
33120	der si dâ bêde gerten mit handen ellentrîche. si wurden ûz gelîche von in gezücket alzehant und 1f ir stehelîn gewant
33125	sô vaste dô geswungen, daz in die lüfte sprungen dar ûz des fiures gneisten. si mohten wol geleisten manheit und ellentrîchen sin:
33130	des wart verschrôten als ein zin dô stahel von ir henden. gevegte ringe senden begunden si der heide: si vâhten sêre beide
33135	nâch lûterbærem prîse. Anthilion Pârîse mit nîde sluoc vil mangen slac, den wol mit slegen überwac Pârîs Anthiliône.
33140	si rungen nâch dem lône durchliuhteclicher êren, dâ von sach man si rêren die gimmen ûz den schilten die clâren und die milten
33145	die valten bî den zîten vil glanzer margarîten dâ nider ûf den grüenen plân. si schrieten abe dâ mangen spân, der von gesteine truoc ein tach.
33150	der eine sluoc, der ander stach, als er unsinnic wære. die ritter adelbære sô grimmer slege werten ein ander mit den swerten,
33155	daz in daz verch von hitze sôt. nû si mit strîteclicher nôt wurden lange alsus verquelt, dô sluoc Anthilion der helt Pârîsen ûf des schiltes rant,
33160	daz er sich cluop von sîner hant und einen wîten spalt enphienc. wan daz er an den borten hienc, dâ mite er wol geriemet was, sô müeste er nider ûf daz gras
33165	in stücke sîn gesprungen. der slac wart im geswungen mit creften unde alsô geslagen, het er des schiltes niht getragen, er wære enzwei geschrôten
33170	und müeste man in tôten ûf dem anger hân gesehen. nû daz im was der slac geschehen, dô tet er, des ein helt bedarf. den schilt von im der küene warf,
33175	wan er im mê niht tohte. sîn swert, daz im dâ mohte zuo sîner nœte wol gefromen, daz wart gezücket und genomen von im ze bêden henden.
33180	mit dem begunde er enden gar einen griuwelichen slac, zuo dem er sich mit nîde wac ûf dem gevilde grüene. Achill tötet Anthilion Er sluoc den grâven küene
33185	mit dem vermezzenlichen slage, daz im daz houbet und der krage bestürzet mit dem helme zuo der plânîe melme dâ vielen unde sprungen.
33190	daz swert was im gedrungen durch daz gollier entwerhes hin, dâ von truoc er den ungewin, daz er ein bitter ende kôs und sînen werden lîp verlôs,
33195	der ie mit ritters muote schôn in den êren bluote. Pârîs nû daz er in ersluoc und er daz grüene velt getwuoc mit sînem bluote rôtgevar,
33200	dâ nam er sînes bruoder war und îlte balde hin zuo dem. den ellentrîchen Hectorem vant er mit strîte noch behaft. er was mit hôher übercraft
33205	bestanden, als ich hân geseit, und hielt in grôzer müedekeit vor sînen widerwarten. si sluogen ûf den zarten als ûf den anebôz die smide.
33210	daz er enphienc vor in dâ vride und einen wîten rûm gewan, daz schuof Pârîs der werde man, der im gestuont mit helfe bî. si tâten bêde ein ander vrî
33215	gedranges unde swære. Pârîs der tugentbære und Hector der getriuwe geschuofen daz mit riuwe die vînde wurden überladen.
33220	in bluote muoste manger baden, den si dâ nider valten. si worhten unde stalten mortgrimmelîche nôt alsus. in half der starke Perseus,
33225	den Pârîs brâhte zuo dem plân, daz wê den Kriechen wart getân mit swerten und mit lanzen. si drî mit einer ganzen jostiure brâchen durch ir schar,
33230	die si mit hürteclicher war zertranten und zerspielten. zwô rotte, der si wielten des mâles unde bî der zit, die wâren von ir helfe sît
33235	skreftic wurden schiere, daz die schar alle viere, die dô striten gegen in zwein, der flühte kâmen über ein und zuo dem mer in diu gezelt
33240	begunden îlen über velt. Si wolten wider zuo dem sê, von dem si komen wâren ê, drât unde schiere entwîchen dô wart in snelleclîchen
33245	vil starke helfe zuo gesant. in kâmen aber dâ zehant zwô rotte engegenwert geriten, von der schulden si vermiten ir fluht, dar ûf si wâren komen.
33250	in wart ir zageheit benomen von den zwein ritterlichen scharen, die von den Kriechen her gevaren zuo der plânîe kâmen. ir eine zuo dem sâmen
33255	brâht in vil kurzer wîle Nestor, genant von Pîle, der gar ein edel ritter schein. diu ander rotte von den zwein gefüeret wart schôn ûf den sant
33260	von zwein gesellen wîte erkant in manger lande kreizen: genennet und geheizen was einer Dîomêdes, der ander hiez Ulixes
33265	und was ein herre wîse. nâch wirdeclichem prîse die rotte wurden beide gefüeret zuo der heide und zuo des plânes melme.
33270	ir halsperg unde ir helme die gâben lûterbæren glast. an ir gezierde nihtes brast nâch hôher koste liehtgevar. sie selben zwô geblüemten schar,
33275	die man sach komen schiere, die trôsten jene viere, die zuo der flühte kêrten. ir ellent si dâ mêrten mit helfe bî den stunden.
33280	dazs' an der flühte erwunden, daz wurbens' unde schuofen, wand in begunde ruofen der ellentrîche Ulixes. er sprach: wie sint ir alle des
33285	betwungen, stolze helde wert, daz ir der flühte hânt gegert und iuch zwô kleine rotte jagent. daz ir sô lîhteclîche erzagent, des mügent ir iuch sêre schamen.
33290	vier schar die möhten wol bî namen gevehten und gestrîten zwein. erwelten ritter âne mein, sît ir nâch êre wurbent ie, sô lânt iu niht gebresten hie
33295	an ritterlichem orden! ir sint nû zagen worden, daz widertuont mit degenheit, od ir sint iemer hin geleit an werdeclichen êren.
33300	diu ros hin umbe kêren sult ir mit zoumen liehtgevar. wir bringen zwô sô michel schar, daz wir die vînde mit gewalt ûf schaden trîben manicvalt.
33305	Die schar, die flühtic wâren ê, ze strîte wider ûf den klê dô kêrten alle viere. si wurden harte schiere von Ulixê des ermant,
33310	daz si begunden alzehant mit zöumen und mit henden diu ros hin umbe wenden und aber îlten ûf daz wal. gemêret hete sich ir zal
33315	mit zwein ungefüegen scharen, dâ von si dô getorsten varen ze strîte verre deste baz. Hector der starke niht entsaz ir manicvalten übercraft,
33320	wan er mit sîner ritterschaft, der eht zwô rotte wâren, begunde ir schaden vâren und ir verlüste in aller wîs. Enêas unde Pârîs
33325	und Perseus der küene zuo dem gevilde grüene der Kriechen valten wunder. ouch gulten si dar under mit ir ritterlichen diet,
33330	der man ze grunde dâ verschriet hût unde fleisch, marc unde bein. sehs rotte vâhten hie mit zwein sêr unde crefteclîche. der strît was ungelîche
33335	geteilet bî den stunden. wær Ector dâ niht funden und Pârîs unde Enêas und Perseus, der mit im was gerennet zuo der heide,
33340	die rotte müesten beide verdorben sîn vil schiere. die starken alle viere begiengen jâmer unde mort: der eine hie, der ander dort
33345	viel dâ von in zuo der wisen, daz dürre bleter nie gerisen sô balde ab einer linden, sô mit den kalten winden grôz ungewiter an si vaht.
33350	dô wart mit ellentrîcher maht ze bêden sîten wol gestriten: Troiære nôt und angest liten, sô tâten ouch die Kriechen. von heizem bluote riechen
33355	sach man den anger liehtgevar. alrêrst dô kam diu ahte schar von troie zuo gesprenget. si hete die kunft gelenget ze sêre bî der zîte.
33360	si fuorte zuo dem strîte der werde grâve Anthênor. ouch îlte mit ir ûf ir spor ein herre, der sich wirde fleiz, der was genennet Panfimeiz
33365	und hete ervohten liehten prîs. ein hôchgeborner markîs, der was geheizen Agrimanz, und fuor ouch mit der rotte glanz, diu zuo der ahten was gezelt.
33370	mit wâfenkleiden ûz erwelt reit si ze strîte drâte. si kam ein teil ze spâte und kam iedoch sô spâte niht, von ir geschæhe grôz geschiht
33375	an rossen unde an mannen. mit bogen ûf gespannen ir schützen wâren für gerant, die niderströuten ûf den sant ros unde liute ein wunder.
33380	ze strîte wart vil munder ir houbetherre Anthênor. sîn ors zuo den von Kriechen vor begunde springen mangen sprunc. reht als ein ar ûf gense junc
33385	in hungernœte stôzen kan, alsô kam er die Kriechen an mit einer hürteclichen just: des viel dâ maniger in verlust von sîner starken hende vrech.
33390	ûz pheller swarz reht als ein bech fuort er deck unde wâpenroc, dar ûz vil manic rêchboc erlûhte von samîte blanc. sîn sper daz rêch er unde dranc
33395	durch einen ritter ûf dem plân, der was ein werder schatelân und was geheizen Ekubert, der hete jost an im gegert. daz wart im gar ze siure,
33400	er stach dem schateliure die lanzen în zer wüeste. daz er dâ vallen müeste, des twanc er in mit strîtes nôt. sîn schilt der was geverwet rôt
33405	alsam ein niuwez rôsenblat, dar ûf sô was von golde ein rat erhaben ein vil kleine enbor. nû daz der grâve Anthênor den schatelân gevalte,
33410	dô flaht er mit gewalte mit der ahten rotte sich in die patelle ritterlich und war sich balde drunder. sich spielt vil manic punder
33415	von sîner hürteclicher art. ahî, wie dâ gestriten wart von sîner frechen hende starc! sîn ellent er dâ niht verbarc, wan er sich ritterlichen fleiz.
33420	im half der fürste Panfimeiz und Agrimanz der markîs, daz er dâ mohte liehten prîs ervehten ûf der heide. man sach die herren beide
33425	nâch hôher wirde ringen. hurtieren unde dringen wart aber dô beschouwet. genetzet und betouwet mit bluote wart des plânes melm.
33430	man kloup dâ mangen liehten helm durch ruomes und durch lobes guft. diu swert dâ klungen in den luft mit vîentlichem dôze. von glanzer schilte bôze
33435	wart dâ gehœret lûter klac, als ob der wilde dunreslac dâ spielte dürre buochen. dâ wart von rîchen tuochen engenzet manic kovertiur.
33440	die gneisten flugen und daz fiur ûz dem gewæfen hôhe enbor. dâ schuof der grâve Anthênor den Kriechen bitter ungemach. ouch wizzent, daz im wê geschach
33445	an sîner ritterschefte, die sluoc mit hôher crefte der ellentrîche Ulixes. er unde Dîomêdes Troiæren tâten leide,
33450	wan die gesellen beide sich grimmer slege flizzen. halsperge si zerrizzen mit liehtgemâlen swerten. vil mangen si gewerten
33455	des argen tôdes bitter. si valten zwêne ritter, der einer hiez Ilâtrûn und was der ander Pristalûn geheizen und genennet.
33460	ir edel verch entrennet wart von ir zweiger handen. si wâren in den landen ze lûterbærem prîse komen und heten schiere dâ genomen
33465	ein bitterlichez ende von der gesellen hende. Si zwêne stalten jâmers klage. dâ wart vergolten stich mit slage und slac mit stiche widertân.
33470	wer möhte dâ geruowet hân, dâ man sô grimmeclichen streit? dâ wart von grôzer müedekeit vergozzen wunder sweizes. des fürsten Panfimeizes
33475	gewæfen lûter unde glanz enphienc dâ mangen wîten schranz von swerten wol gesliffen. bevangen und begriffen wart er mit nôt besunder.
33480	ûf in ein ganziu punder der Kriechen wart geschicket, dar în wart er verstricket als in daz wippe ein garnes vaden. gedrenge truoc er unde schaden
33485	von liuten manicvalteclich. dô werte alsô der küene sich, daz er ze tôde mangen spielt. gezieret er nâch wunsche hielt alsam ein glanzer engel.
33490	er leit vil grôz getengel alsam diu segens ûf der wisen. dâ sluoc er den, hie stach er disen und werte sich der vînde alsus. wan daz in lôste Persêus
33495	und im tet hôhe helfe schîn, sô müeste er doch verdroben sîn, swie degenlîche er væhte. man seit, daz er im bræhte stiur unde ritterlichen trôst.
33500	reht als daz wazzer einen rôst kan stillen unde erlöschen, sus wart von sîner röschen justiure senfter unde swach dô Panfimeizes ungemach.
33505	Der ellentrîche Perseus reht als ein wilder siticus mit frîem muote kam geflogen. sîn swert daz hete er ûz gezogen und fuorte ez an der hende bar.
33510	enmitten brach er in die schar, diu Panfimeizen umbeslôz. sîn ros gap ir sô mangen stôz, daz si ze stücken sich zerkloup und als ein kleinez mel zerstoup,
33515	dar în die winde rüerent und ez vil balde füerent dar unde dan, her unde hin. diu punder, diu des mâles in mit ir betwange alumbe greif,
33520	diu wart zergenget und zersleif, dô Perseus kam zuo gerant, wan er mit ellentrîcher hant die vînde kunde walken. diu rephüenr einen valken
33525	gefluhen nie sô balde ze stûden und ze walde, sam in die Kriechen tâten. sîn herze was berâten mit hôher krefte manger slaht,
33530	dâ von wart im ein rûm gemaht des mâles unde ein wîter kreiz, sô daz der fürste Panfimeiz erlœset was von sîner kunft. er hete nâch des tôdes zunft
33535	enphangen in dem strîte. im wâren bî der zîte sô gar erqueschet sîniu lider, daz man in kûme brâhte wider mit arzenîe manicvalt.
33540	er wart ze ruowe mit gewalt von Perseô gefüeret, der aber sît gerüeret kam wider in den grimmen strît und mangen valte bî der zît,
33545	der tôt ûf die plânîe reiz. dâ viel der schenke Lippatreiz und Agulant sîn bruoder, die reiner tugende fuoder ze herzen truogen beide.
33550	si wurden zuo der heide von Perseô gevellet. gesnurret und gesnellet zwô rotte kâmen aber sît, die von den Kriechen bî der zît
33555	gesant ze velde wâren. ir wâfencleider bâren den ougen liehteberenden solt. si fuorten silber unde golt, gesteine und edel sîden an.
33560	der einen phlac ein hôher man, geheuzen Palomîdes. sîn herze fleiz sich alles des, daz guot und edel was von art. diu ander schar ze velde wart
33565	gefüeret von zwein herren wîs. Urîolus und Delonîs die brâhten si ze strîte mit êren bî der zîte. Die rotte beide kâmen
33570	geriuschet ûf den sâmen gelîch der windesbriute. vrech unde starke liute dar inne fuoren ûf daz velt. die wolten strîtes widergelt
33575	Troiæren bieten alzehant, von den ze velde wart gesant des mâles ouch ir niunde schar, diu kam vil ritterlichen dar mit craft gestrichen und gevarn.
33580	Casilân, Prîandes barn, der kebeshalben was sîn kint, die niunde schar ân underbint dô brâhte ûf daz gevilde. diu truoc zam unde wilde
33585	gesniten ûf ir wâpenkleit. gezieret si nâch wunsche reit zuo der geblüemten heide. der Kriechen rotte beide begunden ir engegen varen.
33590	sus wart eht aber von zwein scharen mit ellentrîchen handen ein bote dô bestanden, diu von Troiæren kam geriten. des wart gevohten und gestriten
33595	sêr unde vaste bî der stunt. erslagen und ze tôde wunt ir gnuoge vielen ûf daz gras, daz schiere dâ geverwet was in rôten schîn, geloubent des!
33600	der fürste Palomîdes und der helt Cassiliân die liezen dâ ze samene gân ûf snellen rossen ûz den scharen. man sach si dâ z' ein ander varen
33605	mit hôher mannes crefte. des brâchen si die schefte, daz dâ von die sprîzen flugen, dar nâch sô rouftens' unde zugen diu swert bald ûz den scheiden,
33610	mit den wart von in beiden gevohten sêre bî der zît. si rungen vaste enwiderstrît nâch prîse, des si gerten. si tâten mit den swerten
33615	ein ander nôt und ange und triben daz sô lange, daz ein punder von ir scharen kam dar enzwischen si gevaren und si dô von ein ander schiet.
33620	Casilân den schilt verschriet sô vaste Palomîde, daz im des swertes snîde aldurch die stahelringe dranc und im an sîner hiute blanc
33625	begunde erwinden von geschiht. ob si diu punder hæte niht gescheiden bî der selben zît, sô wizzent, daz ein grimmer strît ergangen wære von in zwein.
33630	drî schar sich wurren under ein ûf der plânîe wunnesam, dar ûz ein michel presse kam geriuschet unde in werte den strît unmâzen herte,
33635	des si dâ phlâgen under in. zwô schar, die zuo dem plâne hin bekâmen ûz der Kriechen her, die triben ûf die fluht mit wer dis eine rotte schiere,
33640	diu zuo der veltriviere von Troie was geschicket. in sorgen si verstricket wart alsô mit übercraft, daz si dô zuo der ritterschaft
33645	begunde entwîchen alzehant, dar inne man Pârîsen vant und Hectorem den bruoder sîn. ir was dar under und dar în vil harte schiere worden gâch,
33650	des îlten ir geswinde nâch der Kriechen rotte bêdesamt. hie wart eht aber schiltes amt und ritters orden güebet. von smacke wart betrüebet
33655	der luft des selben mâles ouch, daz bluot dar în ze berge rouch von tôten und von wunden. sich huop dâ bî den stunden erbermeclîchiu riuwe,
33660	dâ wart ein slahte niuwe beschouwet unde ein frischiu tât. alsam gevellet und gemât daz höu wirt ûf dem velde nider, seht, alsô wurden mannes lider
33665	geströuwet zuo dem plâne. dâ wart vil Kriechen âne des lîbes und des lebetagen; ouch wart Troiære vil erslagen, der manic hundert dâ verdarp.
33670	ein junger helt des mâles starp, der was geheizen Plurimanz. in eime rôten schilte glanz fuorte er einen swarzen wider. in valte zuo der heide nider
33675	Casiliân der veste. der leiden fremeden geste verdarp von sîner hende mê. von Clarion Cursilabrê gelac von im des mâles tôt,
33680	der was ein helt in rehter nôt und ûf alle strîte snel. er fuorte in eime schilte gel von lâsûr einen blâwen gîr. Ascalinor von Cloramîr
33685	die zwêne rach mit sîner hant, die nider ûf des plânes lant Casiliân dâ valte. die lanzen mit gewalte dranc er im în zer sîten
33690	und hæte in bî den zîten vil nâch ze tôde erstochen, wær im der schaft zerbrochen von sîner hende niht enzwei. Casiliân der mohte ein ei
33695	für sîn leben hân genomen. der schaft begunde sich zerdromen und wart in zwei gestücket, iedoch was im gedrücket durch sîne blanken hût daz sper.
33700	daz fuorte in sîner sîten er ze Troie wider in die stat, dar in dô balde füeren bat Pârîs sîn bruoder alsô wunt und galt den stich in kurzer stunt
33705	dem helde Ascalinôre. den backen und daz ôre valt er im nider ûf den melm, wan er spielt im den ganzen helm und sluoc die zwei besunder
33710	im abe dem kopfe drunder. Sus wart gerochen dirre stich. mit eime slage grimmeclich Pârîs des mâles in vergalt. grôz wunder wart von im gestalt
33715	an liuten unde an rossen frech. er spielt die rotte sam daz sech die schollen ûf dem acker. Hector sîn bruoder wacker half im die vînde stœren.
33720	wuof unde schrei man hœren dô mohte ûf der plânîe. man rief dâ vremede krîe von manger sprâche wilde. von slegen daz gevilde
33725	mit gneisten wart erliuhtet und mit dem bluote erfiuhtet. daz von der wunden lîbe ran. dâ vielen ros beid unde man erslagen und ze tôde wunt.
33730	nû kamen aber dâ ze stunt zwô rotte von der Kriechen her, die fuorten ritterlîche wer und liehtiu wâfencleider an. der einen phlac ein hôher man,
33735	der zepter unde krône truoc, er hete werdekeite gnuoc und was geheizen Cappadon. der künic Agamennon daz ander teil brâht ûf den plân.
33740	nû daz die rotte wol getân ze velde bêde kâmen, ir kêre si dâ nâmen zuo der patelle grimmeclich und flâhten mit gedrange sich
33745	zehant dar under und dar în, daz aber dâ begunde sîn vil manges bitterlicher tôt. sich huop dâ marterlîche nôt von hurtebæren stœzen.
33750	die Kriechen sich erschœzen begunden al ze vaste; mit grôzem überlaste Troiære sich dâ luoden: dâ von an creften muoden
33755	ir liute muosten harte, den wuohs vil manic scharte an lîbe und an geliune fünfzehen rotte ûf niune dâ sluogen slege bitter:
33760	des twanc Prîandes ritter vil strenger nœte boie. diu zehende schar von Troie ze strîte dâ niht wolte komen. Prîant der hete si genomen
33765	in sîne ritterlichen phlege und wolte mit ir alle wege die grendel und diu tor bewaren, dâ von Troiære mit ir scharen, der niune wâren ûz geriten,
33770	vil angestlicher nœte liten.

<<< Übersicht <<< vorige Seite nächste Seite >>>

Der Trojanerkrieg

Das Eingreifen weiterer Heerscharen

Polidamas rettet den verwundeten Remus.

Heldentaten des Hektor und Achill.

Weitere Helden greifen in den Kampf ein.

Heldentaten des Paris.

32353 - 33770

Mit disen worten hæte

Pollidamas der stæte

32355

die flühteberenden dô gemant,

daz si begunden alzehant

hin wider kêren an den strît.

dar nâch sô rief er Troie sît

und nam daz ros mit scharphen sporen.

32360

alsam ein ritter ûz erkoren

îlt er des mâles unde reit,

dâ Rêmus ûf den plân geleit

was von Menelâô wunt.

umb in het er in kurzer stunt

32365

vil wîten rûm gehouwen.

er lie sîn ellent schouwen

und sînen ritterlichen muot.

hin ûf sîn ros unmâzen guot

zuht er den künic unde swanc

32370

ân aller sîner vînde danc

hin zuo der stat an sîn gemach,

dâ zuo der wunden im geschach

rîlicher arzenîe rât.

Pollidamas durch die getât

32375

vil hôhe wart geprîset

und ûf den plân gewîset

ze ganzer wirde liehtgevar.

dar nâch sô kam diu fünfte schar

von Troie dar gestrichen,

32380

die fuorte ritterlichen

Dêîfebus der küene.

ûf die plânîe grüene

brâht er si bî der selben zît.

mit im sô kêrten an den strît

32385

der grâve rîch Prethemesus

und der herzog Estreus;

die wâren ritter vollebrâht.

sie heten sich des wol bedâht

unde ir sin dar ûf gewant,

32390

daz si mit ellentrîcher hant

Dêîfebô gestuonden bî.

beschouwet hetens' alle drî,

daz Menelaus der künic wert

het alsô wol sîn edel swert

32395

genützet und gebrûchet,

daz nider was gestrûchet

von im der künic Rêmus.

nû si den ellentrîchen sus

nâch lobe gesâhen strîten,

32400

dô wurdens' an den zîten

zuo der verlüste sîn bereit.

die fünften schar lanc unde breit

mit worten si dâ manten.

ze Menelâô ranten

32405

die drî gesellen schiere.

Dêîfebus der ziere

ein sper ûf sîme schilte brach.

Prethemesus ouch einen stach

ab sînem rosse dâ zehant,

32410

der hete an im ein rîchez lant

und was ein herre kurteis.

genant was er Pelimatreis

und fuorte in eime schilte blanc