Lectio XVIII

Grammatica

Morphologia:

Coniungatio consonantica

―――――――――――――――――――――

1. Quid facis, Carole? Quid facitis, pueri?

2. Casam parvam facimus in silva.

3. Paulus facit portam; ego facio sellas.

4. Facitisne etiam mensam?

5. Filii vicini nostri mensam faciunt.

6. Magna et firma fiet, quod in ea cenabimus et ludos faciemus.

7. Vulpes cottidie gallinas capiebat.

8. Ut eas caperet, interdiu in hortum introibat.

9. Mox te capiemus, vulpes, inquit venator.

10. Ut te capiam, canes mecum duco.

11. Cape vulpem, Hectorl Capite vulpem, canes!

12. Festina, vulpes, ne capiaris!

13. Mox capieris. 14. Nunc canes adsunt; nunc caperis.

15. Tandem vulpem cepi; captam vulpem vobis dono, pueri.

16. Fac ei stabulum, Carole!

17. Pueri stabulum fecerunt.

De supplicatione agricolarum

Prisci Romani erant agricolae seduli et pii. Quotannis ineunte aestate supplicationem faciebant. – Agricola cum coniuge, liberis servisque terminos agri circumire incipit. Ovis ducitur, carmina canuntur, ut dei clementer pios adspiciant. Ad aram sacra fiunt. In flammas frumentum cum sale inicitur. Iacientes deos adorant. Deinde agricola bracchiis sublatis has preces dicere incipit:

Agricola bracchiis sublatis preces dicit

«Facio id, quod faciam, dum hunc solem conspiciam. Gratias tibi agimus, Iuppiter. Fac etiam nunc, ut morbi nos fugiant. Effice, ne agri damno afficiantur! Noli fulminibus nos interficere! Mors neminem rapiat! Publice sus cum ove et tauro tibi hodie immolatur, privatim a nobis accipe ovem!» –

Deinde hostia necatur. Viscera patefiunt, cor aliaeque partes excipiuntur et in ara cremantur. Paulo post cena paratur; post cenam potando, canendo, saltando delectantur, domini servique pari afficiuntur laetitia.

1. Adspiciúnt oculís superí morália iústis.

2. Sic omnis arbor bona fructus bonos facit; mala autem arbor malos fructus facit. Non potest arbor bona malos fructus facere neque arbor mala bonos fructus facere. (Matth. 7, 17)

―――――――

Vocabularium

vulpēs, -is f.

interdiū

supplicātiō -ōnis f.

ovis, -is, -ium f.

sacra, -ōrum n.

sāl, sālis m.

damnum, -ī n.

fulmen -inis n.

rapere, rapio, rapuī, raptum

taurus, -ī m.

hostia, -ae f.

viscera, -um n.

cor, cordis n.

mortālis, -e

frūctus, -ūs m.

Dictionarium latine-anglice

John Locke: A Short Latin Grammar