Lectio XVII

Grammatica

Morphologia:

Numeralia

―――――――――――――――――――――

Roma, urbs immanis

Septem colles Romae

Urbs Romana in septem collibus sita fuit. Ex iis duo, Capitolium et Palatium, clarissimi fuerunt. In Capitolio templum trium deorum erat; nam cum Iove duae deae, Iuno et Minerva, ibi adorabantur.

Ex Augusti aetate urbs in quattuordecim regiones dividebatur. Septem cohortes vel septemmilia vigilum per eas distributa erant. Decem cohortes vel decem milia praetorianorum imperatori ipsi erant praesidio –

Ducentis sexaginta annis post Augusti mortem urbs ab imperatore Aureliano novis moenibus circumdata est. Is murus circiter duodecim pedes vel quattuor metra latus, duodequinquaginta pedes vel sedecim metra altus erat. –

Quarto p. Chr. n. saeculo Romae erant octo pontes, undecim fora, totidem thermae, undeviginti aquaeductus, duodetriginta bibliothecae, duo circi, tria theatra, viginti duo monumenta equitum, dei aurei octoginta, dei eburnei duodeoctoginta, arcus marmorei triginta sex, quadraginta sex milia sescentae duae insulae, mille septingentae nonaginta domus divitum, octingenta quinquaginta sex balnea publica, mille trecenti quinquaginta tres lacus.

―――――――

Vocabularium

Capitōlium, -ī n.

Iuppiter, Iovis m.

adōrāre

dīvidere -o, -isi, -isum

distribuere -o, -ui, -ūtum

vigil, vigilis m.

praetōriānī, -orum

circiter

totidem

aquaeductūs, -ūs m.

monumentum, -ī n.

arcus, -ūs m.

īnsula, -ae f.

lacus, -ūs m.

Dictionarium latine-anglice

John Locke: A Short Latin Grammar