Lectio IX

Grammatica

Morphologia:

Participium coniunctum

―――――――――――――――――――――

1. Aegrotus ex pedibus laborans medicum advocavlt.

2. Dolor aegroti ex pedibus laborantis a medico advocato est levatus.

3. Aegroto ex pedibus laboranti medicus advocatus paravit medicinam.

4. Aegrotum ex pedibus laborantem medicus advocatus sanavit.

5. Ab aegroto ex pedibus laborante praecepta medici advocati diligenter observata erant. –

6. Cervus a canibus fugatus in densam sylvam recessit.

7. Amicum a nobis invitatum frustra exspectavimus.

8. Libros nondum diligenter lectos amico meo remisi.

―――――――

De interitu Cimbrorum

(Anno 102 ante Chr. n.)

Agmen Cimbrorum et Teutonorum

Marius, postquam Teutonos ad Aquas Sextias devicit, Cimbris obviam properavit. Nam alter consul ab illis victus turpiter recesserat. Cimbri interitum Teutonorum ignorantes legatos ad Marium miserunt et postulaverunt, ut Cimbris et Teutonis, Cimbrorum fratribus, agros praeberet. Sed ille ridens: «Fratribus vestris», inquit, «iam satis terrae praebui», et imperavit, ut captivi illis monstrarentur. Legati turpiter repudiati postulaverunt, ut diem pugnae indiceret.

Gaius Marius

Tertio die ad Vercellas pugnatum est. Marius ipse suos ita collocavit, ut sol et ventus hostibus adversi essent. Tamen Cimbri ira et dolore inflammati contra Romanos provolaverunt. Sed acies eorum telis Romanorum pertubata paulatim ad castra recessit. Ex carris tela vibrantes et iactantes diu Romanos arcebant. Tamen castra expugnata sunt. Mulieres quoque Cimbrorum huic ultimo proelio intererant et viros ad summam fortitudinem incitabant. Servitutem et crudelitatem hostium timentes post cladem se liberosque necaverunt.

Pugna ad Vercellas - Marius victor

―――――――

Vocabularium

labōrāre ex

nōndum

turpis, -e

ipse

vibrāre

crūdēlitās, -ātis f. (-> crūdēlis, -e)

cladēs, is f.

investīgāre

Dictionarium latine-anglice

John Locke: A Short Latin Grammar