Lectio VIII

Grammatica

Morphologia:

Participium praesentis

―――――――――――――――――――――

1. Vicus ardens horribilem adspectum praebebat.

2. Incolae vici ardentis finitimos auxilio vocaverunt.

3. In vico ardente bestiae clamantes errabant.

4. Metus bestiarum errantium erat magnus.

5. Frumentum ardens vento dissipabatur.

6. Aedificia ardentia servari non potuerunt.

7. Clamor mulierum flentium et timentium nihil proderat.

8. Tacentes, nihil agentes viri stabant.

9. Auxilium finitimorum advenientium inutile erat.

―――――――

De Cimbris et Teutonis.

Agmen Cimbrorum et Teutonorum

Secundo ante Chr. n. saeculo Cimbri et Teutoni ex patria sua emigraverant, quod magnis tempestatibus agri eorum vastati et undis maris deleti erant. Itaque novas sedes et domicilia sibi comparare studebant. Galliam partemque Hispaniae pugnantes, necantes, urentes peragraverunt et finibus imperii Romani appropinquaverunt. In diversis viis Cimbri et Teutoni in Italiam intrabant.

Gaius Marius

Tum bellum a Romanis mandatum est Mario consuli, qui magnis cum copiis primo contra Teutonos properavit, ut eos a finibus Romanorum arceret et imminens periculum propulsaret. Marius animos suorum militum timentium confirmavit et milites prudenter castris tenebat, ne adspectu Teutonorum appropinquantium terrerentur. Subito autem Romani eos oppugnaverunt multosque necaverunt. Postera nocte ingens tumultus mulierum flentium et clamantium auditus est. Paulo post ad Aquas Sextias (anno 101 ante Chr. n.) pugnatum est. Ira flagrantes Germani fortissime contra aciem hostium provolaverunt. At Teutoni usu belli erant inferiores. Postquam multi necati sunt, reliqui ad carros suos recesserunt, ibique tota fere gens crudeliter deleta est. Nonnullos captivos Marius secum abduxit. Anno 102 ante Chr. n. ad Vercellas etiam Cimbri a Mario superati sunt.

Pugna ad Aquas Sextias

―――――――

Vocabularium

ardēre

fīnitimus

auxiliō vocāre

inūtilis, -e

secundō a. Chr. n. (= ante Christum nātum) saeculō

Cimbrī, -ōrum

Teutonī, -ōrum

Hispānia, -ae f.

alius, alia, aliud

oppūgnāre

posterā nocte <-> posterō diē

at

ūsus (-ūs, m.) belli

reliquī, -ae, -a

recēdere, -ō, -cessī, -cessum

captīvus, -a, -um

Aquae Sextiae

Vercellae

Dictionarium latine-anglice

John Locke: A Short Latin Grammar