Vir nemoris

Liber I

___________________________________________________

solstitium propius, medio dum pendet ab orbe.

Haec inter petimus montes terraeque domusque

se condunt. Series et longa catena minantum

statque rigetque apicum. Saxa undique et undique caelum

515

apparent. Nemoris modo scaena antiqua nigrantis

cernitur aut praerupta strepit per concaua torrens.

Serpere in anfractus reptando et scandere in altum

nunc decet atque cauae uallis nunc uoluier imo.

Terque quaterque uices gressum instauramus eumdem.

[16]

520

Per loca feta tenebris, luci per opaca silentis

erramus, quo nulla uiam uestigia signant,

sed uaga quadrupedum raros notat ungula gressus

horrendumque sonat mugitus ubique ferarum.

Arboribus densam uariatu uimina flexu,

[110 ^r]

525

inuoluunt siluam, dumis sudibusque rigentem,

et nos more ferae tellurem repere cogunt,

et manibus latebras rimari et uertice tenso.

Ipsi etiam puncti inuolucris et sentibus acti

saepe canes, sueti totiens irrepere lustra,

530

acrius exululant discissaque uellera latrant.

Est longum memorare uiae molimina, longum

uerbis complecti errores et taedia uitae. .

Tandem post uarios noctesque diesque laborum

scandimus aerei fastigia inhospita Cynthi,

535

quo tenues auras spirat purissimus aether

aere discretus pinguisque uligine terrae

frigidulae, instillans uenis fibrasque coartans,

quo primas Aurora fores, quo primus Apollo

auratos ostentat equos, Cyrneus Apollo.

540

Subter ubique iacent cliui uallesque profundae,

mons autem aduersa surgens ex parte Rotundus,

nube inuolutus, dorso caput erigit altum

――――――

109^v, 512 taerreque err. V // 517-519 del. T² V // 519 gressum ... eumdem correxi: gressu ... eodem T // 110^r, 528 ipsi impliciti T² V // 529 saepe canes sinuosa irrepere in antra T² V ipsi saepe canes dumeta per horrida sueti T³ // 532 uerbi V // 533 casus multosque labores T² V // 537 frigidulae instillans correxi: frigidulae adstillans T fregidulae ... err. V frigidule ... T³ // 538 que err. V // 542 terga niue et nube obductus T^2mg V.