Vir nemoris

Liber I

___________________________________________________

diua autem dilecta uirum Sollertia in altum

480

tollitur et praeter nostram gerit ardua mentem.

Magnos iure uocant animos discrimina magna,

uirtus enim sublime petens, ubi gloria fulgens

aurato incumbit solio, quo comprimit aeuum,

errat in anfractus et compita saepe recursat.

[15]

485

Nos, quibus impendent asperrima fata, tementes

amplum laudis iter, segnes ignobile tempus

per iuga et obscuro numquam absumemus in antro,

sed metuet nomenque colet perterritus hostis.

Haec etenim fausto memoranda canemus orantes

490

tempore quo tandem reduces e litore Etrusco

amplexi socios, uictori sacra penatum.

iura duci dabimur, festum paeana canentes.»

Nox tandem fessique artus atque auia cogunt

sistere et hic duro prosternere stramine lumbos.

[109 ^v]

495

Egimus hic totam noctem, interualla tenentes,

Saxorum. Iuuit sub diuo carpere somnos,

excubiisque canum freti. Res acta et agenda

ludit imaginibus mentem atque insomnia miscet.

Vt primum flaua surgens aurora cel<si>ori <sol>

500

summa iugi tetigit, cum pulsae desuper umbrae

sese in secessu uallis stipare uidentur,

surgimus et lateri suetis praecingimur armis.

Praeruptum quis possit iter longumque laborem

ambagesque apicum intersectaque uallibus altis

505

culmina et obscuros saltus et lubrica saxa,

humentes uigilesque umbras aestumque diei,

tot quae uices rerum uelint, memorare canendo?

Iam passim abscissa nudaque reuerberat alta

aestiuus de rupe calor. Iam stridula circum

510

rore cicada tumet, trunco contraxerat umbram

――――――

109^r, 482 nam uirtus T² V // 486 laudes err. V // 491 socio err. V // 109^v, 499-500 primum aurorae nitido surgentis ab ortu / summa iugi patuere actae cum qu***

T^{2 mg} ut primum autore ... actae cum desuper umbrae V ut primum aurorae puro beneolentis ab ortu / summa iugi patuere actae cum desuper umbrae T³ // 507 tot uarias rerumque uices T² V // 508 alte err. V.