Vir nemoris

Liber I

___________________________________________________

Iamque duo exactis uerterunt mensibus anni,

tertius hinc (utinam exitii foret ultimus!) urget,

quo nullo monstrante uiam, per opaca locorum

furtim protrahimus uitam perque ardua saxa

70

hostilem fugimus rabiem patriosque penates

raptos hoste, cauo seruamus rite sub antro.

Mons iacet immanis caeloque extollitur ingens

et circum abruptos humeros salebrosaque largo

expandit lateri immensoque uolumine dorsa.

75

Late surgentes armos frontemque minantem

erigit et rigidum caput inter nubila condit.

Iam cano concreta gelu stant tempora, pendet

cuspidibus glacies scabris per colla, per artus,

et borealis hiems dorsum niue complet inerti.

80

Illius ex utero erumpens crystallinus amnis

spumifer horrentique cadens cum murmure, Curtis

grata prius lambit sinuoso moenia lapsu.

Antrum immane cauum medio sub gurgite cliui

horrendas fauces tenebroso pandit hiatu.

85

Desuper ora rigent scopulis pendentibus. Vmbra

pinea uestibulum seruat sub nocte perenni.

Hic Libertatis simulacrum paene sepultum,

multa et sorde horrens penetralibus abditur imis,

hoc ego namque colo insomnis noctesque diesque,

90

alternoque colam ritu. Mea pectora certe

perpetuum tibi seruabunt, ut conuenit, ignem,

Libertas diuina. Potens tibi uota resoluam.

Tu summi prognata Iovis delapsaque caelo,

primum et dulce hominum munus terraeque uoluptas,

[102 ^v]

95

donec amor subiit, peiori tempore, habendi,

tu sanctum patriae pignus dilectaque cordis

cura mei, tibi scripta dico uitamque dicabo.

Per te, dulce focos patrios iucundaque Vici

balnea, ouile sacrum pecudesque relinquere amicas.

[4]

100

Per te, ignotus, egens fatisque adtritus et aeuo,

――――――

102 ^r, 79 trorealis err. V // 72 cauammedio err. V // 90 peragros err. V. // 102 ^v, 93 patrem sortita Iouem T ² V // 98 Vicis err. V.