Vir nemoris

Liber I

___________________________________________________

fenerat absumptum ingluuies, malesuada, cruenta

sorbet auarities, praeceps dat iura uoluntas.

Quin tibi pacis amor nimius, tu praedita uanis

blanditiis, tecum industrio uolucrique uerenda

35

figmento ueri grauitas miscetur. Achillem

indomitum Venerisque piam modulamine prolem

blandisono adtollis fictoque ad sidera plectro.

Ast ego in ancipiti uitaeque et funeris haerens

uera canam biuio et quaestu caelum omne ciebo.

40

Improba materiem dant facta aequusque ministrat

carmina mente furor: sic arma ministret Erinnys!

Hic querulas uoces et lamentabile carmen

cuncta cient tristemque inducunt omnia luctum.

Hic nemus umbriferum truncis immane uetustis,

45

horrisonumque fremens noctisque silentia et horror

umbrae claudentis circum lateque cubantis

funereo celebrant nocturna Lemuria ritu.

Rupibus hic aqua praecipitans delabitur, acri

fracta fragore strepens et spumans emicat alte,

50

auribus increpitans terramque uligine complens.

Frigidulum celso cliui de culmine flamen

lene fremens lucem infestam monet, humida rorat

lacrimulis Aurora comas, luscinia plorat,

mussitat herba iugi, Stygius fert tristia bubo.

55

Quin super exesa residentes rupe sacratam.

ipsi aduersus auem crocitant Iouis irrita corui.

In mediis igitur naturae ululatibus, imo

altos corde traham questus nostrumque laborem

fallere conabor sonitu stridentis auenae.

60

Aerei uos Cynthi apices, uos celsa Rotundi

culmina, fulcra soli, querulos reuolubiles Echo

uoluite plangores et ferte ad sidera murmur.

Vos, iuga, quae nostris totiens responsa tulistis

luctibus et tutum latebrosa in uiscera asylum,

[102 ^r]

[3]

65

erigite hanc uocem, totum quae concitet orbem.

――――――

101^v, 31-32 T del. T² V // 34 industrio correxi: industri err. T V.