Vir nemoris

Liber I

___________________________________________________

uir nemorum deserta libens montesque peragro.

Quid non auderem! Longe maiora probare

spiritus intus adest, quamquam non integer aeui

sanguis et in gelido languescant corpore uires.

105

O utinam possem priscam tibi reddere formam,

et reuocare statim felicia tempora Cyrni!

Tempora sacra Themi, blanda dum praedita mente

filia Iustitiae lauro redimita uirenti

atque ornata manum frondentis termite oliuae,

110

pax optata diu rapidis e faucibus hostis

liuentem sanie praedam detrusit et igne

arserat ultori decerpta ex hoste trophaea.

Dum placida exstinctis penitus Concordia rixis

ciuilem unanimi siccauit mente cruorem

115

palantesque greges uno contraxit ouile,

cui dabat una omnium leges et iura uoluntas.

Aetas o nimium felix! Nimis aurea Cyrni

saecula, pestifero generi turbata gigantum!

Heu! qui tandem alto geminum mare congerit alueo

120

riuus, utroque tumens, surgentibus impleat undis

terram exsecratam Pyrenes inter et Alpes!

Nec dein saxa ferant talem genitalia gentem!

Semper enim memini semperque reposta manebit

alta mente suprema dies tempusque nefandum

[103 ^r]

125

caede sacrum immerita et funestae fronde cypressus

semper honoratum (sic di uoluistis!) habendum,

quo Paulina domus, multorum clara parentum,

unius uirtute tamen clarissima Pauli

(di, quando uisendus erit?), crudelibus armis

130

Celtarum expulsa et scelerato marte ruentem

deseruit patriam et, socium stipante caterua,

Tyrrhenos petiit fines et litus amicum.

Hic comitum stetit alma cohors, inde Anglia tellus.

et belli et recti et patriae uirtutis alumna

[5]

135

Paschalem fauste excepit. Quo sospite tantis

――――――

102 ^v, 114 unanimi T² V: unanimis T // 116 una ubi cunctorum dictabat iura T² V // 120 nudis err. V // 103^r, 131 desernit err. V // 133 stelit err. V.