TABELLARUM SEX PICTARUM RUBRICÆ:

     Incipit liber de Di[m]na et Kalila, translates Parisius et completus per Raimundum de Biterris physicum de ydiomate ispanico in latinum, anno Domini millesimo trecentesimo tertio decimo, in preclaro et excellenti festo Pantecosten, quando illustrissimus dominus rex Nauarre eiusque nobilissimi fratres ab excellenti domino Philippo, Dei gratia rege, ordinem militarem benignissime susceperunt.
     Post quos plures nobiles, comitesque barones ob regum honorem, tunc temporis et postea, dictum ordinem cum magno gaudio subintrarunt.
     Tercia uero die Pantecostes prefatus dominus rex Francie, una cum preclaro rege Anglie plurique nobili milicia uexillum angeli celestis a reuerendo patre in Christo, domino Nicholao, diuina prouidencia tituli sancti Eusebii presbitero cardinali(s) et quamplures alii nobiles deuotissime acce[p]tarunt.
     In illa die Parisius gaudium, si vmquam per quamplures extitit sine dubio, finaliter celebratum.
     Figura et descriptio Uniuersitatis et Communitatis Parisius cum solemnitate maxima transeuntis ante conspectum regis et aliorum regum existencium ad (h)ostium palacii circumque cum tota regali milicia.
     Eodem anno predicto, de consilio reuerendi in Christo patris P., Dei gracia episcopi Cathal. cancellariique regii – presens liber regius per R., phisicum supradictum, fuit presentatus liliate regie maiestati.