Otia imperialia

Primi libri decisio

________________________________________________________________

III. De dispositione Chaos (Nc)

Videns ergo Deus confusa parum profutura ad discreta generanda si non essent ipsa discreta velut ad operandum lucerna accensa. fecit lucem quam tradunt nubem lucidam fuisse illuminantem superiorem mundi partem claritate tenui ut apparere solet in aurora.

Et divisit lucem a tenebris. dispositione distingente ea per loca et 1) tempora quasi diversis hemisperiis sibi et 2) regione respondentibus sicque luce migrante sub terris. tenebrisque subortis et iterum redeunte luce 3) super molem congestam. factus est dies primus a dian 4) Greco quod est claritas sicut nox a noctui 5) quod est obscurum.

Secunda die disposuit Deus superiora mundi sensilis 6) constituitque celum quod tegit omnia. et firmamentum inter aquas ut diximus stabiluit. 7)

Hoc die tradunt Ebrei angelos cecidisse. Unde in ecclesia 8) feria secunda missam de angelis ad laudem stantium canit ecclesia.

Tradunt alii factam esse divisionem angelorum quando divisit Deus lucem a tenebris quasi bonos appellans lucem 9) et malos. tenebras. nec pretereundum quod Iudei VII. celos distinguunt unicuique suum nomen contribuentes 10) et VII. 11) terras quas ut aiunt David fundamenta montium 12) vocat sacro septenario totum assignantes.

Tertio die congregavit aquas sub firmamento. et terra paululum subsidens sicut matrix ipsas conclusit et sic que humus antea propter circumfusum humorem dici potuit. 13) nunc 14) arida dici potuit ab ariditate et 15) terra quia teritur.

Hiis fatis respondit poeta cum diceret

Frigida pugnabant calidis. ac humida siccis.

Nam celo terras et terris abscidit undas 16) /

f.5rb et liquidum spisso secrevit ab aere celum

tum freta diffudit.

et post pauca.

Addidit et fontes et stagna immensa lacusque

flumina et 17) obliquis cinxit declivia ripis. 18)

que diversa locis partim sorbentur ab ipsa 19)

in mare perveniunt partim.

Addidit et tertio diei. ut germinaret terra herbam virentem et facientem semen et lignum pomiferum faciens fructum.

Ex hoc arbitrantur plerique mundum factum in vere. quia tunc omnia virent. Alii sentiunt in Augusto sub Leone quia subiungitur lignum faciens fructum sed in Martio 20) factum docet ecclesia.

Ovidio fortassis innittitur illa veris opinio. quando dixit.

Ipsa quoque immunis rastro que 21) intacta nec ullis

Ver erat eternum.

________________

1)

et om. L 

2)

e L 

3)

et tamen luce redeunte L 

4)

*** L 

5)

altern. var.: noctiu N ; *** (ast. desper.) L 

6)

sensibilis L 

7)

stabilavit L 

8)

in ecclesia om. L 

9)

bonos lucem appellans L 

10)

unicuique nomen suum tribuentes L 

11)

VII. celos ... et VII. Nc, haplographia in N, corrig. Nc 

12)

muntium N 

13)

dici potuit om. L 

14)

tum L 

15)

et om. L 

16)

Nam coelo terras, terris abscidit & undas L 

17)

flumine et L; fluminaque Ovid 

18)

rupis N ripis cum Ovidio L 

19)

ipsa cum Ovidio N; ipsis L 

20)

Martio mense L 

21)

rastroque cum Ovidio L; (que N ut pron. rel.)