S t a t u t a 
C o m m u n i s
B u g e l l a e

R U B R I C A   X X I
D E   A L P I B U S .

________________________________

335.

[I]
DIUERSE PENE OCCAXIONE
ALPIUM ET IN IPSIS
PASCHANTIUM. ORDINATE.

Statutum est quod alpis de mazono debeat Incantari per consules de mense marcij. et qui plus dabit ipsam habeat et teneat ipsam a Kalendis Maij. usque ad natiuitatem domini. et non permitat venire capras a sancta maria inferius nec facere seracia cum lapidibus. Et liceat cuilibet homini de bugella pascare in ipsa alpe per totum mensem maii. Et ab octaua sancte marie de septembris in antea. Et qui ibi pascauerit uel contrafecerit soluat bannum sol. XX. pro qualibet die. nisi se concordauerit cum impletore et medietas banni sunt communis. et alia medietas Inpletoris.

336.

Item statutum est quod inpletores alpium non possint vendere erbam alicui persone extranee. et consules teneantur inquirere.

337.

Item statutum est quod nulla persona de bugella debeat uel presumat vendere erban alicuius alpis alcui homini de extra bugellam et qui contrafecerit soluat bannum pro qualibet vice sol. XX. pp. Et consules teneantur Inquirere.

338.

Item statutum est quod nulla persona debeat Ire pascare neque seare nec facere aliquod dampnum super alpibus a tempore cride facte per consules in antea. Et qui contrafecerit soluat bannum sol. XX. et medietas banni sit communis. et alia medietas inpletoris. Et consules teneantur facere cridari in bannum dictas alpes. a Kalendis maii. usque ad sanctam michaelem. Excepto de mazono.

339.

Item statutum est quod nullus teneat porchos In alpibus mararie et noche superioris et inferioris. Et qui contrafecerit soluat pro quolibet et qualibet vice sol. quinque. pp. et quilibet possit accussare. et consules non possint dare licenciam.

340.

Item statutum est et ordinatum quod aliqua persona non possit tenere capras in alpibus nec In commitalibus bugelle. a sancto martino usque ad kalendas maij. Et qui contrafecer- it soluat bannum sol. XX. pp. alijs statutis remanentibus in eodem statu. Ita quod istud statutum non derogetur alijs in aliquo videlicet de capris.

341.

Item statutum quod omnes de bugella habeant omni anno alpem niazoni. pro libr. XXXII. pp. dummodo faciant securos consules in kalendis Marcij de soluendos dictis denarijs et dare seracium unum confrarie et vnum consulibus et IIIIor casseos et casseum unum notario et vnum seruitori que seracia valeant pro quolibet sol. XX. pp. et quilibet casseus sol. V. pp. pro predicta alpe niazoni. Et si predicta non fecerint consules teneantur eam incantare eo pacto quod nullus forensis ibi pascare et quilibet de bugella possint ibi pro dicto precio pasculari. Et inpletores possint habere ultra predictam quantitatem pro eorum labore sol. XL. pp. a pascantibus. aliis statutis de alpibus in suo robore durantibus. Et qui duxerit bestias forensium aliquo modo uel ingenio soluat pro qualibet die sol. XX. pp. et quod impletores teneantur soluisse infra octauam santi Michaelis predictos denarios seracios et caseum sub predicta pena. Et si predicta alpis non fuerit vendita per predictum modum consules teneantur eam incantare eo pacto quod nullus forenssis ibi pascari possit nec aliquis eciam de bugella possit ibi tenere bestias nisi fuerit in concordia cum incantatore qui emerit a comuni.