S t a t u t a 
C o m m u n i s
B u g e l l a e

R U B R I C A   X X I I
E X T R A O R D I N A R I A .

________________________________

342.

[I]
CONTRA COMUNE
ORDINANS PUNIATUR.

Statutum est quod aliqua persona de bugella non faciat aliquod ordinamentum uel conuentum contrarium comunis uel maiori parti comunis et qui contrafecerit soluat bannum sol. XX. pp. Et postea cassetur illud ordinamentum uel contractus seu conuentus.

343.

[II]
PENA CONTRA DANTES
AUXILIUM DEFFERENTES ARMA.

Item statutum est quod aliqua persona non debeat dare albergum nec ospicium nec bibere uel comedere nec aliquam mercandiam facere cum eo qui portaret arma publica. per burgum placij. et plani bugelle nec domum sub aliquo titulo concedere. nec dare aliquod auxilium uel fauorem. Et qui contrafecerit soluat bannum sol. X. pp. et pro qualibet edomada postea auferat ei domum. Et consules non possint dare licenciam.

351.

Item statutum est quod nulla persona de bugella debeat dare bibere uel comedere nec hospicium dare aliqui persone vndecumque sit que portet cutellum maiorem vltra menssuram positam pro comuni bugelle nec ensem. nec alia arma. que alijs offenssiones dare possent. Et qui contrafecerit soluat bannum pro quolibet et qualibet vice sol. X. pp. et quilibet sit accussator et habeat suam partem banni. Et consules non possint dare licenciam. nisi ille qui accussatus fuerit jurauerit se illum nescire habere cutellum maiorem nec arma.

344.

[III]
REDDI DEBENT PATRIBUS
ET DOMINIS PIGNORA SINE PRECIO.
CAPTA A FILIJS ET UASSALLIS.

Item statutum est quod qui prestiterit alicui filio uel uassallo uel vxori uel alicui alteri de familia alicuius hominis de bugella qui sit in potestate ipsius patris uel domini sui super aliquo pignore ipsius hominis redat illus pignus ipsi patri uel domino sine solucione uel redencione aliqua. si pater uel dminus illius qui eum impignorauerit monstrauerit illud pignus esse suum. uel si sub aliquo titulo uel causa eum habuerit uel receperit.

345.

[IIII]
STATUTA DE SPONSIS
EUNTIBUS EXTRA TERRAM.

Item statutum est quod aliqua sponssa que vadat extra bugellam que non habeat plures quinquaginta libris in docte non teneatur dare regi. nisi sol. quinque. pp. si uero habuerit a plus usque ad centum habeat sol. X. si vero habuerit Centum. teneatur dare sol. XX. pp. Et si habuerit CC. teneatur dare sol. XL. pp. Et pro quolibet centonario sol. XX. usque ad mille libr. et a mille superius petere possit. Et de omni quantitate teneatur rex dare sponse terciam partem dictarum quantitatum. Et si qua sponsa perueniret extranea ad hospicium in bugella. quod dictus rex nec eius sequaces nichil habere debeat nec eciam eam impedire possint. Et qui contrafecerit soluat rex. sol. LX. et quilibet de familia sol. XX. pp. Et consules teneantur dictam sponsam pro precio predicto si inde fuerint requisiti facere ipsam relaxari.

346.

[V]
VESTES ET ARMA NON
POSSUNT PIGNORI OBLIGARI.

Item statutum est quod aliqua Guarnimenta neque vestimenta alicuius hominis de bugella non dentur pro solucione alicuius debiti nec alia de causa nisi de uoluntate illius cuius fuerint uel nisi haberet plura paria guarnimentorum de quibus posset se bene sufferre.

347.

[VI]
PRO FILIO ET VASSALLO
PARTEM PATRES ET DOMINI
SOLUERE COMPELLUNTUR.

Item statutum est quod aliqua persona non possit nec debeat relinquere filium vassallum neque seruentam. pro aliquo banno et quolibet banno usque ad sol. X. pp. quin soluat si filius stet cum patre uel matre et si habuerit suam partem non teneatur.

348.

[VII]
QUE POSSESSIONES CONCEDI
FORENSIBUS PROHIBENTUR.

Item statutum est quod nulla persona de bugella uel presumat dare aliqua prata. a ponte eurepe superius nec a cuosila superius ad faciendum aliqcui persone que non stet in bugella et sit subditus comuni bugelle. Et qui contrafecerit soluat bannum pro quolibet et qualibet edomada sol. X. pp. postea ei auferat.

349.

[VIII]
ANTE FINEM TERMINI
MASNENGUM NEMO
CONDUCAT ALIENUM.

Item statutum est quod nullus de bugella debeat capere uel couentare aliquem alienum masnechum stantem cum aliquo vsque ad finem sui termini si hoc non faceret de licencia illius cum quo sraret et qui contrafecerit soluat bannum sol. X. pp. nec postea ipsum teneat illo anno.

350.

[VIIII]
ARMA VETITA
DEFFERENTES.

Item statutum est quod nullus homo de bugella et qui stet in bugella debeat uel presumat portare In loco bugelle aliquem cutellum magnum. Ultra menssuram positam pro comuni bugelle. nec ensem nec stocum. nec alia arma que offenssiones alijs dare possent. Et qui contrafecerit soluat pro quolibet et qualibet vice. sol. X. pp. et admitat arma. que arma arma deveniat In comuni bugellle. et quilibet sit accussator. et habeat suam partem banni. et consules non possint dare licenciam set teneantur Inquirere.

352.

[X]
POST CAMPANAM SINE
LUMINE INCEDENTES.

Item statutum est quod quid fuerit Inventus eundo per terram post quam canpana custodum pulsata fuerit siue lumine et per tantum tempus plus quod posset iri a porta toracie ad portam vernati. et ad Ronciglasci. usque ad portam ripe. et usque ad rouore. soluat bannum pro quolibet et qualibet uice qua fuerit acussatus. sol. quinque. et consules teneantur super hoc ponere publicos custodes et privatos.

353.

[XI]
FATIENS UEL HABENS
TURPITUDINEM UEL LATRINAM
CUM ALIENO DAMPNO.

Item statutum est quod aliqua persona non debeat nec possit facere aliquam socuram latrinam que noceat aliqui. Et qui contra fecerit soluat pro quolibet et qualibet vice. sol. V. postea altet eam. Et consules teneantur inquirere si eis denunciatum fuerit.

354.

[XII]
QUI ARMA COMODAT
PUNIATUR ET QUANDO
DEBEANT CONSIGNARI.

Item statutum est quod omnes homines de bugella. et existantes. et habitantes in bugella habeant teneant et pressentent quocienscunque fuerint requisiti. arma. et Guarnimenta cuilibet ipsorum inposita per comune et homines bugelle. Et qui contrafecerit soluat bannum pro quolibet et qualibet vice pro diploide et panceria sol. XX. pp. et pro alijs guarnimentis. sol. quinque. pp. et quod nullus possit nec debeat dicta guarnimenta Inpignorare uel prestare alicui persone extra locum bugelle. Et qui contrafecerit soluat pro quolibet et qualibet vice simile bannum ut supra.

355.

[XIII]
EMENTES GALLINAS
UEL POLLASTROS UT DE
FORIS CONDUCANTUR.

Item statutum est quod nulla persona vndecunque sit emat nec emere faciat gallinas pollastros oua. capretos nec aliquas saluaxinas ad portandum nec ad uendendum extra bugellam. Et qui contrafecerit soluat bannum sol. X. pp. et amitat mercandiam. et quilibet possit accussare et denunciare. et consules teneantur Inquirere si eis fuerit denunciatum.

356.

[XIIII]
INTRANTES ET
RUMPENTES ALIENAM
POSSESSIONEM.

Item statutum est quod qui Intrauerit uel rumperit alienam possessionem soluat bannum pro quolibet et qualibet vice sol. XX. pp.

357.

[XV]
NON EMANTUR SEU
UENDANTUR BESTIE MORBOSE
UEL CORIA NEC DUCI
DEBEANT. IN BUGELLA.

Item statutum est quod aliquis non possit nec debeat emere nec ducere uel duci facere aliquas bestias in bugella de aliqua parte seu loco vbi bestie sint infirme de morbo uel polmoneria. et qui contrafecerit soluat bannum sol. LX. pp. et admitat bestias et dicte bestie perveniant In comuni. et cuilibet possit accussare et denunciare et habeat partem bestiarum. Et consules teneantur inquirere et tenere priuatos accusatores et denunciatores. Et Intelligatur dictum statutum debere obseruari postquam denunciatum fuerit uel preconizatum In placio bugelle ne quis presumat ducere uel duci facere predicta. a locis nominatis. In preconizatione. et tam ementes quam vendentes soluant bannum.

359.

Item statutum est quod aliquis non debeat emere ducere uel duci facere in bugella aliqua coria de aliqua parte seu loco in quo bestie sint infirme morbo uel polmonaria. Et qui 22contrafecerit soluat bannum sol. XX. pp. et coria sint comunis bugelle. et quilibet possit accussare et denunciare. Et consules teneantur inquirere ed accussatores seu de nunciatores tenere priuatos. et dicti accussatores seu denunciatores habeant suam partem banni et de corijs. et in omnibus intelligatur hoc statutum secundum statutum de bestijs amorbatis.

358.

[XVI]
COLUMBOS PRIVATOS
ACCIPIENS CONDEMPNETUR.

Item statutum est quod nullus debeat capere nec capi facere aliquos columbos priuatos aliquo modo nec sub aliqua specie. Et qui contrafecerit soluat pro quolibet et qualibet. vice. sol. LX. pp. et restituat dampnum illis cuius fuerint. et quilibet possit accussare et denunciare palam et privatim. Et consules teneantur accussatores et denunciatores tenere priuatos. et inquirere contra predicta facientes. si siuerint uel audiuerint.

360.

[XVII]
QUI LUPOS CEPERIT
PREMIUM CONSEQUATUR.

Item statutum est quod si aliquis homo caperet aliquem lupum et eum consignauerit consulibus comunis a comuni sol XX. pp. et lupus sit illius qui eum ceperit si eum ceperit super poderium bugelle uel uernati. uel si inciperent eum cazare super territorium bugelle et quod clauarius teneatur soluere dictos denarios infra unum menssem.

361.

CONSULES TENENTUR
PRATA COMUNIS FACERE
MENSURARI.

Item statutum est quod consules teneantur ex sacramento omnia prata communis facere menssurari. et ipsa menssurata per menssuram hinc ad exitum maij. reduci. in libro et ea consignari et facere legi in conscilio si placuerit conscilio.

362.

[XVIII]
A PRATO LONGO SUPERIUS
AD ARRONCHANDUM TERRE
NON CONCEDANTUR.

Item statutum est quod aliqua terre uel possessiones que sunt comunis et hominum bugelle. a prato longo superius non possint concedi alicui persone sub aliquo titulo ad aroncandum nec ad praendum nec ad insitandum uel plantandum. Et consules non pacientur per eroum sacramentum poni in credencia per totum tempus eorum consulatus quod alique terre possessiones uel prata concedantur contra formam dicti statuti et qui pecierit soluat bannum sol. XX. pp. et qui consulerit soluat. sol. XL. et postea concessio sic facta sit cassa et nullius valloris.

363.

[XVIIII]
REPROBATI DE FALSO
UT CONVENIT PUNIATUR.

Item statutum est et ordinatum qui fuerit reprobatus per sapientes qui judicant banna comunis fecisse falssum juramentum siue falssum dissise testimonium non debeat perpetuo recipi in testem nec habere aliquod officium comunis et nomina ipsorumfalssariorum teneantur consules infra. XV. dies post quam reprobati fuerint scribi facere in libro statutorum. sicut falssum reddiderunt testimonium et publicare in publica credencia.

364.

[XX]
QUANDO PREDIA
QUE SUNT IN COMUNITATIBUS
DEBEANT IMBANDARI.

Item statutum est quod prata que sunt in comunibus bugelle de quibus solluitur fictum dicto comuni sint in bannum sol. V. a medio mensse maij. usque ad exitum Agusti.

365.

[XXI]
A FOSSATIS INFERIUS
EXCEPTIS ALTINIS NULLE
ARBORES ALLEUENTUR.

{MCCCXIIII} Item statutum est quod aliqua persona stens uel habitens in bugella non audeat uel presumat tenere plantare uel alleuare aliquas arbores a fossatis plani inferius in aliqua parte per totum territorium bugellensem. nisi altinos de Cerexia uel opio seu brignono uel salices. qui non possint ascendere cum ramis. ultra pedes VII. et teneantur omnes habentes arbores cuiuscunque alterius conditionis a predictis fossatis inferius tempore presentis consulatus incidere scorzare nel arrancare omnes alias arbores infra kalendas madij. proxime venturi. et qui contrafecerit uel uenerit in aliquo predictorum. soluat pro quolibet et qualibet edomada transacto predicto termino consulatus sol. XX. pp. et consules teneantur inquirere si de predictis facta fuerit acusa uel denuncia. Et teneantur tenere denunciatores ed acusatores priuatos. et predictum statutum non estendatur ad arbores ripe sarui nec ad alias que sunt in confinibus bugelle et vernati.

366.

[XXII]
VLTRA QUANTITATEM
LIBRARUM DECEM
QUALITER POSSIT DONARI
ET DE CREDENCIA.

{MCCCXVII} Item statutum est quod non possit nec debeat fieri aliquod donum de here comunis ultra XL. libr. nisi prius fuerint cunuocati omnes et singuli domini domus siue capita domorum. tam de plano quam de placio simul in domo cunfrarie. Et si fuerint in cuncordia faciendi donum uel dona omnes uel maior pars ipsorum. quot donum uel dona sic factum uel facta soluatur equaliter pro quolibet domino domus habenti. in ualimento ultra libr. XXV. pp. et donum uel dona sic factum uel facta. contra predictum statutum nolentes soluere non teneantur nec compelli possint. Et hoc statutum inteligatur taliter precissum quod non possit Rupi nec cassari in toto nec in parte per totum consulatum. consulum qui jurassent.

367.

[XXIII]
OFFENSORES RECEPTATORES
ET RAPTORES CONUENIT
CONDEMPNARI.

Item222 statutum est quod omnes homines de bugella et stantes et habitantes in bugella qui Receptauerint. In eorum domibus seu portare permisscerint aliqua bona ablata seu dampna data in comuni uel in diuisso seu dantes dapna uel frangentes bannum conpustularum seu Recipientes aliena bona in eorum domibus seu habitationibus stare uel habitare permisscerint. uel in eorum familia. Teneantur emendare dapna et offensiones illi seu illisquibus data fuerint. et soluere banna secundum statuta comunis bugelle. per inde ac si ipsi receptentes seu receptari permitentes dedissent offensiones uel banna fregissent conpostularum nisi dens seu dentes dapna uel frangentes banna acordarent predicta banna. Et non possint contra hoc ignoranciam aliquam allegare.

368.

[XXIIII]
QUO TEMPORE PROHIBITUM
SIT PISCHARI.

Item statutum est et ordinatum quod aliqua perssona de bugella uel aliunde non possit nec ei licitum sit piscari uel pischari facere in aquis territorij et comunis bugelle a festo pascatis Ressurrectionis domini usque ad carnispriuium ad aliquod ingenium nisi ad virgam et lignam et qui contrafecerit soluat pro quolibet et qualibet vice sol. XX. pp. et quilibet possit acussare et denunciare et habeat terciam partem banni et consules et consules teneant accussatores privatos et teneantur inquirere si fuerit eis denunciatum et quod consules non possint de hijs dare licenciam alicui.

369.

[XXV]
PRO SPONSIS DUCENDIS
DE PLANO IN PLATIUM
UEL UERNATUM NICHIL
EST EXIGENDUM.

Item statutum et ordiatum est quod non fiat rex nec aliqua coadunatio gentium munitorum causa excutiendi uel exigendi aliquid a sponsabus. que ducuntur de plano in placium uel vernatum. uel de placio in planum seu vernatum. seu de vernato in placium uel in planum. nec ipsas sponsas detinere uel impedire et qui contrafecerit soluat pro quolibet et qualibet uice. sol. X. pp. et consules teneantur inquirere si fuerit eis denuntiatum. et ultra hoc teneantur consules sponsam et sponsas impeditas facere relaxari. dummodo fiat idem per illos de vernato. Aliter ad ipsos de vernato non extendatur statutum.

370.

[XXVI]
HABENTES CANALES
SUPER FOSSATA QUID
FACERE TENEANTUR.

Item statutum est quod quelibet persona que nunc habet et tenet et de cetero habuerit et tenuerit canalem super fussatum seu fossata plani bugelle. debeant tenere in medio canalis continue et manutenere bonam clausuram de sepe. siue palencatum inspinatum taliter quod nullus possit transire. ire nec redire. per ipsas canales. Et qui contrafecerit soluat bannum pro quolibet et qualibet edomada. sol. V. pp. Et simile bannum soluat qui tenuerit hostium uel sapellum in dictis palenchatis. Et consules teneantur inquirere si eis denuntiatum fuerit. et tenere denuntiatores priuatos.

371.

[XXVII]
PASCANTES IN CLAUSURIS
PLATIJ UEL FOSSATIS.

Item statutum est quod aliqua persona non ducat nec duci faciat aliquas bestias ad pascendum in aliquo loco in clausuris placij et plani bugelle. nec in fossatis et ripaticis interioribus et exterioribus. Et qui contrafecerit soluat bannum pro qualibet bestia sol. X. pp. et si fuerint decem et a decem superius soluat sol. XX. pp. et quilibet possit accussare et denuntiare. Et consules teneant accusatores et denuntiatores privatos.

372.

ELIGANTUR C. CLIENTES
PRO TENSANDIS STRATIS.

Item ordinauerunt quod eligantur C. clientes siue seruentes de probioribus terre pro tensandis stratis domini Episcopi. et comunis bugelle. qui obediant mandatis consulum. Et offensores stratarum domini espiscopi memorati possint capere et offendere impune. nisi dicti derobatores offenderent dantes merchandiam rebellibus dicti domini nostri. Et currentes super ipsius terram.

373.

[XXVIII]
PENE STATUTE CONTRA
EUNTES AD LOCA REBELLIUM
ET EIS DANTES CONSILIUM
UEL FAVOREM.

Item statutum et ordinatum fuit quod aliqua persona de bugella. seu stans uel habitans in bugella. non audeat uel presumat dare seu dari facere Merchandiam. seu conscilium. auxilium uel fauorem hominibus Saluzolie. nec alicui alteri terre uel persone rebelli Comunis bugelle. seu facienti Guerram comuni et hominibus de bugella. nec ire ad dictas terras. et qui contra fecerit. perpetuo sit exemptus et extractus ab omnibus honoribus et utilitatibus et officijs comunis bugelle. Ita quod perpetuo non habeantur nec haberi possit pro vicino uel habitatore comunis bugelle. nec perpetuo possit poni in credentia. quod si fiat aliqua gratia contra predictum statutum. nisi prius soluerit comuni bugelle. ibr. X. pp. pro quolibet et qualibet uice. Solutis bannis consules possint omnes in concordia ponere in credentia et credentia possit postea cum ipso dispensare si voluerit. quo ad honores et alia. dum modo due partes sint in concordia. et non aliter. Et consules teneantur inquirere quoties fuerit eis denuntiatum. et tenere denuntiatores et accussatores priuatores. et denuntiatores et accusatores habeant terciam partem banni excusi. et possit in eundo et redeundo impune libere derobari et spoliari. et bona ablata et derobata sint aufferentis.

374.

Item statutum et ordinatum fuit quod aliqua persona de bugella seu stans uel habitans in bugella non audeat uel presumat de cetero ire ad habitandum saluzoliam nec ad aliquem locum rebellum seu facientem guerram Comuni et hominibus de bugella. et qui de cetero steterit uel contra fecerit cadat ab omni iure quod habet et habere posset in terris et possessionibus ac bonis mobilibus et immobilibus que haberet teneret possideret. super territorium bugelle et vernati. Et cadat in comissum. et omnia dicta bona perueniant in commune bugelle. et dicto comuni pubicentur ipso iure. et de dictis bonis nullam possit perpetuo habere gratiam. set perpetuosit bannitus comunis bugelle. nec habeatur uel haberi possit perpetuo pro vicino. et perpetuo sit exclusus ab omnibus officijs. honoribus et utilitatibus Comunis bugelle. et a quolibet perpetuo possit impune offendi un here et in persona. et hoc statutum sit et esse intelligatur perpetuum et precisum per sacramentum. Ita quod contra dictum statutum non possit dispensari. uel tolli seu aliquid ordinari. Et consul qui aliquid contra predicta posuerit in credentia. soluat bannum pro quolibet et qualibet uice. sol. LX. et quicunque arengauerit contra predictum statutum soluat bannum sol. XX. pro qualibet uice et ultra hoc omnia proposita statuta et ordinata contra predictum statutum. sint cassa. irrita et nullius ualoris penitus uel momenti. Et consules teneantur inquirere si fuerit eis denuntiatum uel ad aures eorum peruenerit et tenere denuntiatores et accusatores privatos.

375.

[XXVIIII]
NON LICET TENERE
IGNEM PER TERRAM
TEMPORE UENTOSO.
NEC IN DOMIBUS PALEATIS.

Item statutum et ordinatum est quod nulla persona debeat portare ignem tempore ventoso per planum nec per placium de die nec de nocte nec facere nec tenere ignem in aliqua domo que non sit cohoperta de cupis et qui contra fecerit soluat pro quolibet et qualibet vice sol. X. p.. Et quilibet possit accusare et denunciare et tenebitur priuatus nisi esset lumen quod portaret cum candela.

376.

[XXX]
DE RE PROMISSA
ET DEBITA COMUNI NON
LICET GRATIFICARI.

Item statutum et ordinatum est quod aliqua persona que de cetero incantet emat seu titulo locationis uel quocunque alio modo accipiat aliquam rem a comuni non possit nec valeat habere aliquam prorogationem temporis nec aliquam gratiam seu remissionem de pecunia quam incantu hemptione locatione seu quocunque alio contractu facto cum comuni uel consulibus bugelle nomine ipsius comunis soluere promixisset et gratia facta contra predictum statutum nulla sit ipso iure. Et predictum statutum sit et esse intelligatur de cetero precisum et iuratum. Ita quod super ipso non possit dispensare nec contra dictum statutum in aliquo contrafieri. Et consules qui pro temporibus fuerint non paciantur poni in credencia ut contra fiat uel quod super ipso in aliquo dispensetur in pena et banno sol. LX. pro quolibet consule et qualibet uice.

377.

[XXXI]
IN OMNE QUESTIONE
ET DUBIO ORTO RATIONE
STATUTORUM ET UENDICIONUM
COMUNIS PER STATUARIOS
QUOMODE TERMINETUR.

Item quis eius est Interpretari cuius est condere av eius est uelle statutum est quod si aliqua questio dubium seu disscessio oriatur vel fiat Ratione alicuius statuti ordinationis uel reformationis Comunis bugelle. seu vendicionis facte per Comune uel obligationis statuti contractus uel quasi facti cum Comuni uel ratione statutorum dicti Comunis quod dicte questiones declarentur determinetur et Interpretentur per consules et statutarios qui tunc temporis fuerint et siue statuta ordinaciones reformationes contractus et obligationes fuerint clara siue dubia uel obscura uel e conuerso. non obstentibus Iuribus dicentibus. quod in incertis non certis locus est coniecturis et quod a uerbis legis non est recedendum et quod stricti Iuris non recipiunt Interpretationem. et quod lex seruanda est etiamsi per quam dura sint uel aliquibus alijs Iuribus in contrarium prouulgatis. Ita quod a suis declarationibus Interpretationibus factis per maiorem partem predictorum consulum et statutariorum non possint appelari set ex nunc intelligantur expresse appellationibus renunciasse et statutarij. Singulis annis scribantur per consules nominatim ne questio oriatur qui fuerint ad condenda statuta. Et qui venerit contra dictum statutum uel ipsum in aliquo impugnauerit. soluat pro quolibet et qualibet uice. qua se presentauerit uel impugnauerit sol. LX. et nichilominus stetur eorum sententijs determinationibus declarationibus et interpretationibus non obstante. lege que dicit quod nemo debet duabus legibus puniri. et non obstante. lege que dicit quod semel comissa pena amplius committi non potest et quolibet alio Iure in contrarium ordinato.

378.

[XXXII]
EMENTES UENDENTES
ET RECEPTANTES PISCES ALIBI
QUAM IN PLATHEIS
PUBICIS PUNIANTUR.

Item statutum est quod qui vendiderit aliquos pisces crudos alibi quam in plathea bugelloni in plano et in plathea que est ex opposito ecclesie sancti Jacobi in placio soluat pro quolibet et qualibet uice sol. XX. pp. et amitat pises et medietas piscium perueniat in consules et alia in denuntiatores uel accussatores.

379.

Item statutum est quod qui emerit pisces alibi quam in istis platheis soluat pro quolibet et qualibet uice sol. X.

380.

Item statutum est quod qui permiserit vendi pisces crudos in sua domo seu habitatione et qui receptauerit seu receperit a solis ortu usque ad ocassum pisces venales soluat pro quolibet et qualibet uice sol. XX.

381.

NEMO UISITET UEL
DONET PLAGOLATAS.

Item statutum est quod aliqua persona non audeat uel presumat ire ad visitandum paglolatas nec sibi panem mittere nec facere aliquod donum nisi fuerit mater filia soror nel Cognata et quelibet persona que contrafecerit. soluat pro qualibet vice sol. XX. pp.

382.

QUILIBET TENEATUR
ESSE DE COLLEGIO
ARTIS SUE.

Item statutum est quod quelibet persona de bugella teneatur et debeat ac compelli possit esse de Collegio artis quam exercet et attendere precepta sibi facta rationabiliter ex parte sui colegij. Saluo honore et vtilitate comunis bugelle et saluo statuto posito sub rubica de credentia.

383.

[XXXIII]
AD COADUNATIONEM
FACTAM RATIONE COMUNIS
FORENSES ACCEDERE
NON PRESUMANT.

Item statutum et ordinatum est quod aliqua persona que non sit de bugella seu recepta in habitatorem. Comunis bugelle non audeat uel presmat ire ad coadunationem. et qui contra fecerit puniatur pro qualibet vice qua accusatus fuerit sol. XX.

384.

[XXXIIII]
DUCENTES BESTIAS
DE BASTO SEU PLAUSTRA
PER PORTICUS
PLACIJ PUNIATUR.

Item quod aliqua persona non audeat uel presumat ducere nec duci facere seu permitere ire bestias de basto seu plaustra per porticos placij. et qui contra fecerit soluat pro qualibet vice sol. II. nisi ostenderetur manifeste quod via publica esset occupata uel impedita. uel nisi Intraret porticum in qua uellet et deberet discareare res quas uel portaret. Et qui iuerit per viam super terralium juxta maxeriam fossati plani cum bestijs vna uel pluribus soluat pro quolibet et qualibet vice sol. V. pp.

385.

[XXXV]
TENENTES CLAUSURAS
IN PORTICHUBUS SEU
MANTELLOS CONTRA
DEBITUM QUALITER
PUNIANTUR.

Item statutum est quod aliqua persona de bugella seu que stet uel habitet in bugella non teneat nec faciat aliquam clausuram seu firmamentum de asiidibus uel lapidibus extra Murum domus versus porticum excepto mantello de asidibus quem facere possit exopposito introitus domus qui mantellus distet a terra per VII. pedes. Et qui contrafecerit soluat pro qualibet uice qua inuentus fuerit fecisse contra predicta et pro qua accusatus fuerit sol XX. pp. et pro qualibet vice qua tenetur postea. sol. V. et habentes eas teneantur abstulisse infra. octo dies. et consules possint et teneantur inquirere et predictum statutum non intelligatur de scalis uel banchis que sunt in porticubus. set eas tenere possint. Et consules non possint dare licenciam.