S t a t u t a 
C o m m u n i s
B u g e l l a e

R U B R I C A   X X
D E   M O L E N D I N I S
E T   F U R N I S .

________________________________

329.

[I]
QUID CAPIANT MOLINARIJ
PRO OPERIBUS FACTIS
IN MOLENDINO.

Statutum est quod molinarij debeant habere pro moltura de sestario blaue decimum octauum cupum et de caneua pro batitura. Et de panno pro paratura de qualibet pariete denar. IIII.or et debeant prius pararer hominibus de bugella quam forenssibus. Et qui contrafecerit soluat bannum sol. quinque. pp. Et ductores bladi teneantur accipere bladum ad pessam ab illis qui voluerint. et reducere et si quid deficeret ductor siue molinarius restituat. Et quod de forensibus possint capere ad eorum arbitrium.

330.

[II]
NON HABENTES FURNUM
DE CUPIS COPERTUM
ET QUALITER TAUOLI
TENEANTUR.

Item statutum est quod aliqua persona de bugella non debeat tenere aliquam furnum in bugella nisi copertum de cupis. Et qui contrafecerit soluat bannum sol. XX. et debeat remouere tauolos de portucubus qui sunt super comuni. Incontinenti quod panis erit In furno sub banno. sol. II.

331.

[III]
DUCTORES ASINORUM
MOLENDINI QUE FACERE
PROHIBENTUR DANTES EIS
BIBERE PUNIUNTUR.

Item statutum est quo nullus menator axinorum siue bestiarum de molendinis debeat ludere ad aliquem ludum nec bibere uel bibere uel comedere In aliqua taberna de bugella. Et qui contrafecerit soluat bannum pro quolibet et qualibet uice sol. quinque. pp. et simile bannum qui ei dederit bibere uel comedere.

332.

[IIII]
QUID IURARE
ET FACERE FORNARIUS
TENEATUR.

Item statutum est quod omnes et singuli tenentes et habentes furnos in bugella et stantes et habitantes In domibus in quibus sunt furni tam masculi quam femine maiores tamen. XII. annorum debeant Iurare saluitatem de rebus que perueniunt ad eorum furnos Infra XV. dies post festum sancti Martini. et qui non Iurauerit ad dictum terminum soluat bannum sol. X. pp. et pro qualibet edomada qua steterit quod non Iurauerit et quilibet fornarius siue fornaria debeat cochere panem quilibet danti fornatem sicut alij In banno sol. XX. pp.

333.

[V]
TENENTES IGNEM
IN FURNIS TEMPORE UENTOSO
DE PLANO UEL POST CAMPANAM
ET PANEM COQUENTES.

Item statutum est quod aliqua persona de bugella non audeat nec presumat tenere ignem in aliquo cribano plani bugelle post campanam custodum que pulsatur in sero usque ad campanam grossam que pulsatur ad matutinos. sancti stephani. nec tempore uentorum. Et qui contrafecerit soluat pro quolibet et qualibet vice sol. XX. pp. et ille qui faceret quoqui panem. sol. X. pp. et quilibet possit accusare palam et priuatim habeat suam partem banni.

334.

IN MOLENDINO UNUS
SOLUS ACCIPIAT MULTURAM
ET PISTATURAM.

Item statutum est quod in quolibet molendino sit vnus solus qui accipiat multuram et pistaturum de quibus non accipiat nec accipere possit nisi XVIII. partem per sacramentum per ipsum corporaliter prestitum et qui in aliquo contrafecerit nec multuram acceperit nisi ad predicta fuerit specialiter deputatus soluat pro quolibet et qualibet vice. sol. XX. pp.